sábado, 26 de noviembre de 2022

CONVOCATORIA ASEMBLEA XERAL ORDINARIA DO CLUB BALONCESTO SEIS DO NADAL - COIA

Estimados/as amigos e amigas:

A Xunta Directiva do Club Baloncesto Seis do Nadal - Coia convoca a Asemblea Xeral Ordinaria, que terá lugar na Sala Rosalía do Colexio Seis do Nadal (Coia) o venres día 16 de decembro do 2022 en primeira convocatoria ás 19:00 horas e ás 19:30 horas en segunda convocatoria e que tratará a seguinte orde do día:

1º- Lectura e aprobación da Acta anterior.

2º- Informe da Memoria Deportiva das Tempadas 2019/2020, 2020/2021 e 2021/2022 e Proxecto Deportivo para a Tempada 2022/2023.

3º- Aprobación do Balance Económico das Tempadas 2019/2020, 2020/2021 e 2021/2022.

4º- Aprobación do Orzamento para as Tempadas 2020/2021, 2021/2022 e 2022/2023.

5º- Aprobación da Cuota Anual e da súa forma de pago para as Tempadas 2020/2021, 2021/2022 e 2022/2023.

6º- Resumo das principais actuacións das Tempadas 2019/2020, 2020/2021 e 2021/2022.

7º- Suxestións e Preguntas.

A Xunta Directiva.

viernes, 25 de noviembre de 2022

NO SEIS DO NADAL - COIA, E EN 62 CLUBS GALEGOS MÁIS, NON ENTRAMOS POLO ARO COAS VIOLENCIAS MACHISTAS

Hoxe, 25 de novembro, é o Día Internacional da Eliminación da Violencia contra a Muller.

No Club Baloncesto Sei do Nadal - Coia, e en 62 dos clubs da familia do baloncesto galego, NON entramos polo aro coas violencias machistas.

Todos e todas o temos ben claro e berramos xuntos: NON!

martes, 22 de noviembre de 2022

ABERTO O PRAZO DE INSCRICIÓN PARA O CAMPUS DE INVERNO 2022 DO CLUB BALONCESTO SEIS DO NADAL - COIA

Despois do éxito do Campus de Verán 2022 o Club Baloncesto Seis do Nadal xa ten preparada unha nova actividade: o Campus de Inverno 2022..

Durante os días 26, 27, 28 e 29 de decembro do 2022 celebrarase nas instalacións do Colexio Seis do Nadal o Campus de Inverno 2022 organizadas polo Club Baloncesto Seis do Nadal - Coia dirixido a nenos e nenas de entre 6 e 17 anos..

Este campus ofrecerá unha formación deportiva específica que esta edición contará con contidos de inicicación e tamén de tecnificación que correrá a cargo de técnicos que contan cunha contrastada experiencia. As sesións estarán centradas na mecánica de tiro, na técnica individual, na táctica individual, na toma de decisións e na preparación física..

As xornadas se desenvolverán nas pistas do Colexio Seis do Nadal entre as 10:30 e as 13:30 horas. Non deixes escapar a oportunidade de pasar as vacacións de Nadal connosco e lembralas como unha das túas mellores na nosa compaña. 

Poderán inscribirse neste Campus de Inverno os deportistas dos equipos federados e de todas as escolas deportivas do Club Baloncesto Seis do Nadal - Coia e tamén se poderán anotar os e as deportistas do baloncesto vigués e galego que así o desexen, desde categoría benxamín (nados no ano 2016) e ata júnior (nados no ano 2005). 

O prezo deste campus é de 90 euros por inscrición. Para os deportistas do club Club Baloncesto Seis do Nadal - Coia, do deporte federado e das escolas deportivas, e os seus irmáns ou irmás, o prezo será de 70 euros. 

As prazas dispoñibles para o Campus de Inverno 2022 son limitadas e éstas se farán efectivas por rigorosa orde de inscrición (tendo validez a data que figure en cada un dos comprobantes de pago). A inscrición desta nova edición do Campus de Inverno 2022 se fará a través do seguinte formulario web pulsando aquí ou na imaxe do Campus.

viernes, 18 de noviembre de 2022

VOLVE A TRADICINAL PRESENTACIÓN OFICIAL DO CLUB! SERÁ O PRÓXIMO XOVES DÍA 8 DE DECEMBRO DO 2022 NO PAVILLÓN DE NAVIA

Despois de dúas tempadas por fin podemos recuperar esta tempada 2022/2023 a tradicional Presentación Oficial do Club Baloncesto Seis do Nadal - Coia.

Na presentación oficial o noso club presentará a tódolos seus equipos federados e a tódalas escolas deportivas, reunindo deste xeito a preto de 700 deportistas, aos que se lle suman os máis de 40 monitores e adestradores/as que conforman o corpo técnico da entidade.

A celebración da Presentación Oficial 2022/2023 terá lugar o próximo xoves día 8 de decembro do 2022 a partir das 12:00 h. no Pavillón Municipal de Navia, nun acto que seguirá o formato "express" das últimas ocasións.

No acto se presentarán aos 31 equipos federados, ao grupo de Baloncesto para Adultos, ás 10 escolas deportivas e ao corpo técnico do club que compoñen a estrutura deportiva da entidade, realizaranse as fotos de equipo oficiais da presente tempada e a foto de grupo que de seguro reflexará o continuo crecemento da nosa entidade ano tras ano.

Ademais presentarase oficialmente a tempada 2022/2023 do Club Baloncesto Seis do Nadal - Coia a tódolos medios de comunicación e a toda a familia do deporte da canastra e da cidade de Vigo nun acto que será presentado por Carlos Tresandí, presentador da Radio Galega.

Desde tódolas seccións do Seis do Nadal - Coia invitamos a tódolos integrantes do club, do presente e do pasado, a asistir a este acto e poder descubrir o elevado número de deportistas que forman parte da entidade, e ao mesmo tempo solicitamos a tódolos asistentes a súa colaboracion para a Recollida de Alimentos entregando na entrada da nosa instalación un quilo de alimentos para apoiar ao Banco de Alimentos de Vigo.

Agardámosvos a tod@s!

O CLUB BALONCESTO SEIS DO NADAL - COIA MOI PRESENTE NO ACTO DE PRESENTACIÓN DA NOVA TEMPADA DE SIAREIROS

O Club Baloncesto Seis do Nadal - Coia estivo moi presente na presentación da nova tempada do programa Siareiros da Fundación Vigo en Deporte (VIDE) que se celebrou o pasado luns día 14 de novembro do 2022 no novo pavillón municipal de Quirós.

Na imaxe, un grupo de xogadores/as, técnicos e membros da Xunta Directiva despeidno dito acto xunto a Abel Caballero, Alcalde de Vigo, e Manel Fernández, Concelleiro de Deportes.

Ademais durante o transcurso do acto o noso Director Deportivo, Sergio González, recibiu das mans do Alcalde de Vigo, unha medalla da cidade pola súa traxectoria, pola súa incidencia no deporte local e pola promoción do baloncesto base desde fai xa moitos anos.

Moitas feliciades Sergio en nome de toda a entidade e a seguir traballando polo baloncesto base moitos anos máis!

lunes, 22 de agosto de 2022

A XORNADA DE PORTAS ABERTAS DESTA NOVA TEMPADA 2022/2023 SERÁ O VENRES 26 DE AGOSTO DO 2022

A vindeira tempada 2022/2023 xoga no Club Baloncesto Seis do Nadal - Coia. Apúntate e proba!

O Club Baloncesto Seis do Nadal - Coia organizará o próximo venres día 26 de agosto do 2022 unha xornada de portas abertas nas pistas do Colexio Seis do Nadal en Coia..

De 17:00 a 18:00 horas será a quenda das categorías benxamín (nad@s nos anos 2013, 2014 e 2015) e alevín (nad@s nos anos 2011 e 2012). A sesión de adestramentos das categorías infnatil (nad@s nos anos 2009 e 2010), cadete (nad@s nos anos 2007 e 2008) e júnior (nad@s nos anos 2005 e 2006) será de 18:30 a 19:30 horas.

Poderán inscribirse nesta xornada de portas abertas tódolos xogadores e xogadoras que desexen formar parte da familia do Club Baloncesto Seis do Nadal - Coia nesta nova tempada 2022/2023. Soamente terán que enviar os seus datos por whatsapp (627516980) ou ao correo electrónico areadeportiva@seisdonadalcoia.com.

Non o dubides e apúntante nesta xornada! Agardámosvos a todos e todas!

martes, 19 de julio de 2022

O ALCALDE DE VIGO RECIBIU AOS DOUS EQUIPOS QUE PARTICIPARON NA COPA DE ESPAÑA ALEVÍN EN VALENCIA

O Alcade de Vigo, Abel Caballero, recibiu aos dous equipos alevíns do Club Baloncesto Seis do Nadal - Coia que participaron na Copa de España Alevín 2022 celebrada na cidade de Valencia os pasados días 24, 25 e 26 de xuño do 2022.

Tódolos xogadores e xogadoras, acompañados dos seus adestradores e dunha representación da Xunta Directiva da entidade, contáronlle ao rexidor vigués a súa experiencia no torneo de ámbito nacional no que competiron xunto as mellores canteiras de España.

Desde o Club Baloncesto Seis do Nadal - Coia queremos agradecerlle ao Alcalde de Vigo tódalas palabras que lle dirixiu aos nosos deportistas animándolles a seguir traballando e mellorando representando á cidade.

domingo, 17 de julio de 2022

ABERTO O PRAZO DE INSCRICIÓN PARA AS XORNADAS DE TECNIFICACIÓN DE VERÁN 2022 DO CLUB BALONCESTO SEIS DO NADAL - COIA

Despois do éxito do Campus de Verán 2022 o Club Baloncesto Seis do Nadal xa ten preparada unha nova actividade: as Xornadas de Tecnificación de Verán..

Durante a semana do 1 ao 5 de agosto do 2022 celebrarase nas instalacións do Colexio Seis do Nadal as Xornadas de Tecnificación de Verán 2022 organizadas polo Club Baloncesto Seis do Nadal - Coia dirixido a nenos e nenas de entre 9 e 17 anos, e con tódalas medidas impostas de seguridade e hixiene esixidas polas autoridades..

Este campus ofrecerá unha formación deportiva específica que esta edición contará con contidos de inicicación e tamén de perfeccionamento que correrá a cargo de técnicos que contan cunha contrastada experiencia. As sesións estarán centradas na mecánica de tiro, na técnica individual, na táctica colectiva e individual, na toma de decisións e na preparación física..

As xornadas se desenvolverán nas pistas do Colexio Seis do Nadal entre as 10:30 e as 13:30 horas. Non deixes escapar a oportunidade de pasar o verán connosco e lembralo como un dos teus mellores na nosa compaña. 

Poderán inscribirse nestas Xornadas de Tecnificación os deportistas dos equipos federados e de todas as escolas deportivas do Club Baloncesto Seis do Nadal - Coia e tamén se poderán anotar os e as deportistas do baloncesto vigués e galego que así o desexen, desde categoría benxamín (nados no ano 2013) e ata júnior (nados no ano 2005). 

O prezo deste campus é de 85 euros por inscrición. Para os deportistas do club Club Baloncesto Seis do Nadal - Coia, do deporte federado e das escolas deportivas, e os seus irmáns ou irmás, o prezo será de 65 euros. 

As prazas dispoñibles para as Xornadas de Tecnificación de Verán 2022 son limitadas e éstas se farán efectivas por rigorosa orde de inscrición (tendo validez a data que figure en cada un dos comprobantes de pago). A inscrición desta nova edición das Xornadas de Tecnificación de Verán 2022 se fará a través do seguinte formulario web pulsando aquí.

MOITAS GRAZAS A TOD@S POR FACER REALIDADE O CAMPUS DE VERÁN 2022

O Campus de Verán 2022 será inesquecible para tod@s nós.

MOITAS GRAZAS a tódolos inscrit@s e a tódalas súas familias pola vosa confianza en nós.

E MOITAS GRAZAS aos responsables, adestrador@s e monitor@s de tempo libre por facer deste Campus unha realidade.

Pódese acceder a tódolas fotografías da 1ª semana pulsando AQUÍ.

Pódese acceder a tódolas fotografías da 2ª semana pulsando AQUÍ.

martes, 10 de mayo de 2022

ABERTO UN NOVO PRAZO DE INSCRICIÓN PARA A SEGUNDA SEMANA DO CAMPUS DE VERÁN 2022 DO SEIS DO NADAL - COIA

Despois da excelente acollida da primeira semana, abrimos a inscirición para unha nova semana do Campus de Verán 2022 do Club Baloncesto Seis do Nadal - Coia!

Durante a semana do 11 ao 16 de xullo do 2022 celebrarase nas instalacións do Colexio Seis do Nadal a segunda semana do Campus de Verán 2022 organizado un ano máis, un verán máis, polo Club Baloncesto Seis do Nadal - Coia dirixido a nenos e nenas de entre 6 e 17 anos, e con tódalas medidas de seguridade e hixiene esixidas polas autoridades..

Este campus ofrecerá unha formación deportiva específica que esta edición contará con contidos de inicicación e tamén de perfeccionamento que correrá a cargo de técnicos que contan cunha contrastada experiencia. Os adestramentos e sesións de baloncesto serán levados a cabo por adestradores do Club Baloncesto Seis do Nadal Coia e por adestradores, técnicos e xogadores convidados doutros clubes e seleccións..

As xornadas se desenvolverán nas pistas do Colexio Seis do Nadal entre as 10:00 e as 13:30 horas. Non deixes escapar a oportunidade de pasar o verán connosco e lembralo como un dos teus mellores na nosa compaña. 

Poderán inscribirse neste Campus de Verán os deportistas dos equipos federados e de todas as escolas deportivas do Club Baloncesto Seis do Nadal - Coia e tamén se poderán anotar os deportistas do baloncesto vigués e galego que así o desexen, desde categoría benxamín (nados no ano 2015) e ata júnior (nados no ano 2005). 

O prezo deste campus é de 100 euros por inscrición. Para os deportistas do club Club Baloncesto Seis do Nadal - Coia, do deporte federado e das escolas deportivas, e os seus irmáns ou irmás, o prezo será de 80 euros. Nesta edicion haberá descontos por facer a inscrición antes do 31 de maio do 2022: 90 euros para deportistas externos e 70 euros para deportistas do club e os seus irmáns. Se ademais xa se está apuntad@ na primeira semana o prezo desta segunda semana será de 80 euros para deportistas externos e de 60 euros para deportistas do club e irmáns.

As prazas dispoñibles para a segunda semana do Campus de Verán 2022 son limitadas e éstas se farán efectivas por rigorosa orde de inscrición (tendo validez a data que figure en cada comprobante de pago). A inscrición desta nova edición do Campus de Verán 2022 se fará a través do seguiente formulario web pulsando aquí.

lunes, 9 de mayo de 2022

PRAZAS ESGOTADAS PARA A PRIMEIRA SEMANA DO CAMPUS DE VERÁN 2022! MOITAS GRAZAS POR ESTA ENORME ACOLLIDA!

PRAZAS ESGOTADAS para a primeira semana do Campus de Verán 2022 do Club Balonecsto Seis do Nadal - Coia.

MOITAS GRAZAS a tod@s por esta enorme acollida! Gran éxito de inscrición en menos dun mes! MOITAS GRAZAS!

jueves, 31 de marzo de 2022

VOLVE A LIGA LINCO, VOLVE A LIGA INTERNA DE COLEXIOS DO C.BC. SEIS DO NADAL - COIA

Despois de dous anos... volve a Liga LINCO, volve a Liga Interna de Colexios organizada polo Club Baloncesto Seis do Nadal - Coia.

Neste mes de marzo as pistas do pavillón de Navia recibirá aos nenos e nenas da competición escolar. A competición se xogará en sete xornadas, en sete vernes entre os meses de marzo e maio, para seguir aprendendo e mellorando.

A presentación da Liga LINCO 2022 tivo lugar na concellería de Deportes do Concello de Vigo. O concelleiro de Deportes, Manel Fernández, recibiu a unha representación da nosa entidade para presentar a competición escolar e as novas camisetas de xogo.

XA DISPOÑIBLES AS FOTOGRAFÍAS DAS XORNADAS DE TECNIFICACIÓN INVERNO 2021

Pódese acceder a tódolas fotografías das

Xornadas de Tecnificación de Inverno 2021

pulsando AQUÍ.

viernes, 3 de diciembre de 2021

ABERTO O PRAZO DE INSCRICIÓN PARA AS XORNADAS DE TECNIFICACIÓN DE INVERNO 2021 DO CLUB BALONCESTO SEIS DO NADAL

Nas próximas vacacións de Nadal o Club Baloncesto Seis do Nadal organizará as Xornadas de Tecnificación de Inverno 2021..

Durante a semana do 27 ao 30 de decembr0 do 2021 celebrarase nas instalacións do Colexio Seis do Nadal as Xornadas de Tecnificación de Inverno 2021 organizadas un ano máis polo Club Baloncesto Seis do Nadal - Coia dirixido a nenos e nenas de entre 6 e 17 anos, e con tódalas medidas impostas de seguridade e hixiene esixidas polas autoridades..

Este campus ofrecerá unha formación deportiva específica que esta edición contará con contidos de inicicación e tamén de perfeccionamento que correrá a cargo de técnicos que contan cunha contrastada experiencia. As sesións estarán centradas na mecánica de tiro, na técnica individual, na táctica colectiva e individual, na toma de decisións e na preparación física..

As xornadas se desenvolverán nas pistas do Colexio Seis do Nadal entre as 10:30 e as 13:30 horas. Non deixes escapar a oportunidade de pasar este Nadal connosco e lembralo como un dos teus mellores na nosa compaña. 

Poderán inscribirse neste Campus de Inverno os deportistas dos equipos federados e de todas as escolas deportivas do Club Baloncesto Seis do Nadal - Coia e tamén se poderán anotar os e as deportistas do baloncesto vigués e galego que así o desexen, desde categoría benxamín (nados no ano 2015) e ata júnior (nados no ano 2004). 

O prezo deste campus é de 75 euros por inscrición. Para os deportistas do club Club Baloncesto Seis do Nadal - Coia, do deporte federado e das escolas deportivas, e os seus irmáns ou irmás, o prezo será de 60 euros. 

As prazas dispoñibles para as Xornadas de Tecnificación de Inverno 2021 son limitadas e éstas se farán efectivas por rigorosa orde de inscrición (tendo validez a data que figure en cada un dos comprobantes de pago). Para formalizar a inscrición é preciso enviar a folla de inscrición seguinte, a autoricación e o xustificante de pago ao enderezo areadeportiva@seisdonadalcoia.com. 

miércoles, 11 de agosto de 2021

XA DISPOÑIBLES AS FOTOGRAFÍAS DAS XORNADAS DE TECNIFICACIÓN DE VERÁN 2021

Pódese acceder a tódolas fotografías das

Xornadas de Tecnificación de Verán 2021

pulsando AQUÍ.

miércoles, 28 de julio de 2021

O NOSO XOGADOR ALAN BLANCO ESTARÁ COA SELECCIÓN ESPAÑOLA U12 MASCULINA EN ÍSCAR DO 6 AO 10 DE AGOSTO

No Club Baloncesto Seis do Nadal - Coia seguimos recibindo boas novas neste verán por parte da Federación Española de Baloncesto!.

O noso xogador Alan Blanco (2009) foi convocado á concentración da Selección Española U12 Masculina que terá lugar en Íscar (Valladolid) do 6 ao 10 de agosto do 2021..

Felicidades ao noso xogador, a tódolos seus compañeiros de equipo e a toda a entidade por esta nova que recibimos con gran ilusión!

sábado, 24 de julio de 2021

MOITAS GRAZAS A TODOS E TODAS POR FACER REALIDADE UNHA NOVA EDICIÓN DO CAMPUS DE VERÁN

O Campus de Verán 2021 será inesquecible para tod@s nós.

MOITAS GRAZAS a tódolos inscrit@s e a tódalas súas familias pola vosa confianza en nós.

E MOITAS GRAZAS aos responsables, adestrador@s e monitor@s de tempo libre por facer deste Campus unha realidade.

Pódese acceder a tódolas fotografías do Campus pulsando AQUÍ.

A NOSA XOGADORA SANDRA MARTÍNEZ ESTARÁ COA SELECCIÓN ESPAÑOLA U13 FEMININA EN ÍSCAR DO 1 AO 5 DE AGOSTO

Desde tódolos estamentos do Club Baloncesto Seis do Nadal estamos moi felices e contentos de poder informarvos da seguinte noticia..

A nosa xogadora Sandra Martínez (2009) foi convocada á concentración da Selección Española U13 Feminina que terá lugar en Íscar (Valladolid) do 1 ao 5 de agosto do 2021..

Parabéns á nosa xogadora, as súas compañeiras de equipo e a toda a entidade por este feito froito do traballo e da constancia nas categorías de formación!

ABERTO O PRAZO DE INSCRICIÓN PARA AS XORNADAS DE TECNIFICACIÓN DE VERÁN 2021 DO CLUB BALONCESTO SEIS DO NADAL - COIA

Despois do éxito do Campus de Verán 2021 o Club Baloncesto Seis do Nadal xa ten preparada unha nova actividade: as Xornadas de Tecnificación de Verán..

Durante a semana do 9 ao 13 de agosto do 2021 celebrarase nas instalacións do Colexio Seis do Nadal as Xornadas de Tecnificación de Verán 2021 organizadas polo Club Baloncesto Seis do Nadal - Coia dirixido a nenos e nenas de entre 9 e 17 anos, e con tódalas medidas impostas de seguridade e hixiene esixidas polas autoridades..

Este campus ofrecerá unha formación deportiva específica que esta edición contará con contidos de inicicación e tamén de perfeccionamento que correrá a cargo de técnicos que contan cunha contrastada experiencia. As sesións estarán centradas na mecánica de tiro, na técnica individual, na táctica colectiva e individual, na toma de decisións e na preparación física..

As xornadas se desenvolverán nas pistas do Colexio Seis do Nadal entre as 10:30 e as 13:30 horas. Non deixes escapar a oportunidade de pasar o verán connosco e lembralo como un dos teus mellores na nosa compaña. 

Poderán inscribirse neste Campus de Verán os deportistas dos equipos federados e de todas as escolas deportivas do Club Baloncesto Seis do Nadal - Coia e tamén se poderán anotar os e as deportistas do baloncesto vigués e galego que así o desexen, desde categoría benxamín (nados no ano 2012) e ata júnior (nados no ano 2004). 

O prezo deste campus é de 85 euros por inscrición. Para os deportistas do club Club Baloncesto Seis do Nadal - Coia, do deporte federado e das escolas deportivas, e os seus irmáns ou irmás, o prezo será de 65 euros. 

As prazas dispoñibles para as Xornadas de Tecnificación de Verán 2021 son limitadas e éstas se farán efectivas por rigorosa orde de inscrición (tendo validez a data que figure en cada un dos comprobantes de pago). Para formalizar a inscrición é preciso enviar a folla de inscrición seguinte, a autoricación e o xustificante de pago ao enderezo areadeportiva@seisdonadalcoia.com. 

viernes, 16 de abril de 2021

O EQUIPO FORBE SEIS DO NADAL PECHA A SÚA PRIMEIRA TEMPADA NA PRIMEIRA NACIONAL FEMININA

O equipo Forbe Seis do Nadal do Club Baloncesto Seis do Nadal - Coia pechou a súa primeira tempada na Primeira Nacional Feminina chegando ata os oitavos de final polo ascenso.

No Club Baloncesto Seis do Nadal - Coia non podemos estar máis contentos e satisfeitos pola excelente tempada do noso equipo. Parabéns por todo o voso traballo e voso esforzo! Moitas Grazas ás xogadores e aos técnicos por esta histórica tempada!

Agradecemento ao médico e ao enfermeiro

O Club Baloncesto Seis do Nadal - Coia, xunto ao Alcalde de Vigo, amosou o seu máis sincero agradecemento, no descanso do último partido da competición, a Fernando Zapata e Francisco Capelo, médico e enfermeiro que durante toda a tempada axudaron ao Forbe Seis do Nadal cos tests de antíxenos semanais.