viernes, 4 de septiembre de 2020

COMUNICADO INICIO TEMPADA 2020/2021

Estimadas familias e deportistas:

Antes de comezar, o noso primeiro desexo e que tanto vós como tódol@s vos@s achegad@s esteades ben.

Como sabedes, estamos a comezar a tempada 2020/2021 na que, tanto a Xunta Directiva como a Dirección Deportiva, levamos traballando desde o final do confinamento. Estamos organizando tódolos aspectos da mesma, contando coa colaboración da comunidade educativa do CEIP Seis do Nadal e en permanente contacto con Concello de Vigo, Secretaría Xeral para o Deporte da Xunta de Galicia e a Federación Galega de Baloncesto.

A día de hoxe, as competicións teñen unha data de comezo definida e, segundo a intención comunicada pola Federación Galega de Baloncesto, todo semella indicar que se van desenvolver como ven sendo habitual. Por ese motivo, o club xa realizou os pagos correspondentes ás inscricións dos equipos das distintas categorías. De tódolos xeitos, de non levarse a cabo as competicións nas datas previstas, continuaremos coas nosas sesións de adestramentos, adaptados ás medidas esixidas polas autoridades pertinentes, ata que nos indiquen o novo comezo das mesmas ou o xeito de proceder que estimen na Federación.

Algúns dos equipos xa comezaron os adestramentos debido á proximidade das súas datas de competición. O resto irán comezando paulatinamente a medida que teñamos dispoñibles tódalas pistas baixo un estricto protocolo de medidas de seguridade, hixiene e limpeza.

Desde o Club Baloncesto Seis do Nadal - Coia cremos que o deporte é fundamental e contribúe ao desenvolvemento e crecemento físico, intelectual e social dos rapaces e rapazas. Por este motivo, e aínda que este ano vai supoñer un reto importante para tod@s no que teremos que adaptarnos a esta nova normalidade, agardamos contar coa vosa confianza e colaboración unha tempada máis. Como vimos demostrando desde as Xornadas de Tecnificación Post-COVID e o Campus de Verán 2020, o máis importante para nós é transmitirvos toda a seguridade coa que estamos desenvolvendo as nosas actividades.

Grazas pola vosa confianza e benvidos á tempada 2020/2021.

Iria Otero Franco
Presidenta
Club Baloncesto Seis do Nadal - Coia

domingo, 23 de agosto de 2020

O FORBE SEIS DO NADAL XA COÑECE OS SEUS RIVAIS NA LIGA 1ª NACIONAL FEMININA GRUPO NORTE DA NOVA TEMPADA 2020/2021

O Forbe Seis do Nadal xa coñece aos seus rivais no Grupo "A" (Oeste) da Liga 1ª Nacional Feminina Grupo Norte da presente tempada 2020/2021, tempada na que participaremos por primeira vez na historia do club nesta competición feminina.

Os dez equipos que formarán o Grupo "A" da competición serán:

FORBE SEIS DO NADAL (Vigo)

AD UNIVERSIDADE DE OVIEDO (Oviedo)

UNIVERSIDADE DE LÉON BF LEÓN (León)

MARIN PEIXEGALEGO (Marín)

PELETEIRO HYUPERSA SANTIAGO (Santiago)

ARXIL MAFARI CAFÉ (Pontevedra)

CDB FODEBA (Gijón)

PATATAS HIJOLUSA (León)

CAFETERÍA LA BIBLIOTECA INNOBÁSKET (Avilés)

CODIGALCO CARMELITAS OURENSE (Ourense)

A competición comezará a fin de semana do 26 e 27 de setembro do 2020 sempre que a situación sanitaria e as directirces das institucións pertinentes o autoricen.

miércoles, 12 de agosto de 2020

ABEL CABALLERO, ALCALDE DE VIGO, VISITA O COLEXIO SEIS DO NADAL PARA INAUGURAR A RENOVADA PISTA EXTERIOR

O pasado martes 11 de agosto do 2020 inaugurouse a renovada pista exterior do Colexio Seis do Nadal coa presenza de Abel Caballero, Alcalde do Concello de Vigo; Gorka Gómez, Deputado de Deportes da Deputación de Pontevedra; e Manel Fernández, Concelleiro de Deportes.

Tamén estivo presente unha ampla representación da comunidade educativa do Colexio Seis do Nadal e do Club Baloncesto Seis do Nadal - Coia.

lunes, 10 de agosto de 2020

NORABOA A NOA COMESAÑA, XOGADORA DO CELTA BALONCESTO E EX-XOGADORA DO CLUB, POLO GALARDÓN DE MELLOR PROMESA

Noraboa a Noa Comesaña, xogadora do Celta Baloncesto, polo seu recente galardón como Mellor Promesa na Gran Gala do Deporte de Vigo e Comarca.

Moi orgullosos e orgullosas de que o Club Baloncesto Seis do Nadal - Coia formase parte dos primeiros pasos de Noa Comesaña no baloncesto.

(Fotografía: Marta G. Brea)

lunes, 3 de agosto de 2020

O FORBE SEIS DO NADAL PARTICIPARÁ POR PRIMEIRA VEZ NA HISTORIA DO CLUB NA PRIMEIRA DIVISIÓN FEMININA GRUPO NORTE

O equipo Sénior Feminino "A" do Club Baloncesto Seis do Nadal - Coia, Forbe Seis do Nadal, participará por primeira vez na historia da entidade na Primeira División Feminina Grupo Norte.

Noraboa a todos e todas! Sigamos facendo historia!

domingo, 2 de agosto de 2020

AGRADECEMENTO AO COLEXIO SEIS DO NADAL POLA SÚA COLABORACIÓN COA ORGANIZACIÓN DO CAMPUS DE VERÁN 2020

Desde tódolos estamentos do Club Baloncesto Seis do Nadal - Coia queremos agradecer a colaboración e apoio do Colexio Seis do Nadal para facer posible a organización do noso Campus de Verán 2020, unha edición inesquecible para todos e todas os que formamos partes da mesma.

Iria Otero, Presidenta da entidade; e Sergio González, Director Deportivo; en representación da Xunta Directiva e da Dirección Deportiva do club, entregáronlle unha camiseta do Campus de Verán a Ángeles Rey, Directora do CEIP Seis do Nadal, como agradecemento.

sábado, 1 de agosto de 2020

MOITAS GRAZAS A TODOS E TODAS POR FACER REALIDADE UNHA EDICIÓN INESQUECIBLE DO CAMPUS DE VERÁN

O Campus de Verán 2020 será inesquecible para tod@s nós.

MOITAS GRAZAS a tódolos inscrit@s e a tódalas súas familias pola vosa confianza en nós.

E MOITAS GRAZAS aos responsables, adestrador@s e monitor@s de tempo libre por facer deste Campus unha realidade.

miércoles, 29 de julio de 2020

O CLUB BALONCESTO SEIS DO NADAL - COIA PRESENTA O SEU NOVO ESCUDO NO PAZO MUSEO QUIÑONES DE LEÓN

O pasado mércores día 8 de xullo do 2020 o Club Baloncesto Seis do Nadal - Coia presentou o novo escudo do club no Pazo Museo Quiñones de León no Parque de Castrelos.

O Alcalde de Vigo, Don Abel Caballero, e a Presidenta da nosa entidade, Dona Iria Otero, foron os responsables de descubrir o novo escudo do cub ante tódolos alí presentes.

domingo, 26 de julio de 2020

FOTOS DA 6ª XORNADA DO CAMPUS DE VERÁN 2020: SÁBADO 25 DE XULLO

CAMPUS DE VERÁN 2020

6ª XORNADA - SÁBADO 25 DE XULLO DO 2020

Pulsa AQUÍ para acceder

a máis fotografías do Campus de Verán