(De esquerda a dereita: Sergio González, Director Deportivo do Seis do Nadal; Concepción Martins, Presidenta do club; Josephine Vázquez, Xerente de CLASS Escola de Idiomas; e Antonio Iglesias, directivo do club vigués)
.
O mércores día 28 de xaneiro do 2015 o Club Baloncesto Seis do Nadal - Coia presentaba ao novo patrocinador das Ligas Internas de Colexios, Ligas LINCO. CLASS Escola de Idiomas será na presente tempada 2014/2015 o patrocinador das ligas interescolares organizadas pola entidade viguesa que pasan a chamarse Ligas LINCO CLASS 2015.
.
No local de CLASS Escola de Idiomas e coa presenza de Josephine Vázquez, Xerente da Escola, o Club Baloncesto Seis do Nadal - Coia, representado por Concepción Martins, Presidenta do Club Baloncesto Seis do Nadal - Coia; Antonio Iglesias, membro da Xunta Directiva da entidade; e Sergio González, Director Deportivo do club vigués; presentou as dúas novas edicións das Ligas LINCO CLASS 2015.
.
En dito acto presentáronse as novas camisetas coas que participarán os máis de 200 nenos e nenas integrantes das Escolas Deportivas dirixidas polo Club Baloncesto Seis do Nadal - Coia: as escolas deportivas dos colexios CEIP Seis do Nadal, CEIP Illas Cíes, CEP Celso Emilio Ferreiro, CEP Doutor Fléming, CEIP Pintor Laxeiro, CEIP Javier Sensat e Colexio Labor; e das tres Escolas Deportivas Municipais do Berbes, Balaídos e Navia.
.
Tamén foron presentados os nomes dos vintecatro equipos que participarán nas competicións escolares que neste curso o Club Baloncesto Seis do Nadal - Coia adicou ao xa novo patrocinador. Deste xeito os nomes dos equipos participantes serán nomes en inglés como por exemplo: As Legends Doutor Fléming, Os Dolphins Balaídos, Os Lakes Navia, Os Tigers Navia, As Diamonds Labor e As Dragonflies Celso Emilio Ferreiro entre outros.
CLASS Escola de Idiomas, pertencente a Synergy Didactic, é unha Consultoría Lingüística e Intercultural que desenvolve unha metodoloxía baseada nun modelo exclusivamente comunicativo, ofrecendo a rapaces e xóvenes a oportunidade de aprender inglés, francés, alemán e chino da man de profesores titulados, nativos e bilingües, dun xeito divertido mediante talleres e actividades lúdicas relacionadas co seu día a día. O seu local atópase na Rúa María Auxiliadora 5 facendo esquina coa Ronda Don Bosco.
Desde o Club Baloncesto Seis do Nadal - Coia, agradecemos a confianza e o apoio depositado por parte de CLASS Escola de Idiomas desde o primeiro momento no proxecto deportivo e escolar do noso club, e estamos moi satisfeitos da relación establecida entre as dúas partes para o presente curso.