.
A primeira división da categoría cadete, tanto masculina como feminina, da Federación Galega Baloncesto xa coñece desde o pasado mércores 5 de setembro o seu calendario para a Copa Galicia 2012/2013.
.
A Copa Galicia desta nova tempada 2012/2013 presenta o seguinte sistema de competición: a ducia de combinados que xogarán na Liga 1ª División Cadete Masculina e na Liga 1ª División Cadete Feminina se repartiron en tres grupos de catro participantes cada un.
.
O equipo Cadete Masculino "A" do Club Baloncesto Seis do Nadal Coia, adestrado por Borja Martínez, Daniel Rodríguez e David Rodríguez, participará no grupo "C" da Copa Galicia 2012/13 xunto ao Porriño Baloncesto Base Canteiras (Porriño), Maristas (Ourense) e Maristas "A" (Vigo).
.
Despois do sorteo do calendario da competición o conxunto Cadete Masculino "A" comezará a competición visitando ao Porriño Baloncesto Base a próxima fin de semana do 15 e 16 de setembro.
.
O calendario de xogo completo do grupo "C" da Copa Galicia Cadete Masculina 2012/13 é o seguinte:
.
1ª x. (16/09): Porriño Baloncesto Base - Seis do Nadal Coia
2ª x. (23/09): Maristas "A" - Seis do Nadal Coia
3ª x. (30/09): Seis do Nadal Coia - Maristas
4ª x. (07/10): Seis do Nadal Coia - Porriño Baloncesto Base
5ª x. (21/10): Seis do Nadal Coia - Maristas "A"
6ª x. (28/11): Maristas - Seis do Nadal Coia
.
Cada un dos tres grupos xogará por sistema de liga a dobre volta (6 xornadas) clasificándose para a Fase Final o primeiro clasificado de cada un dos tres grupos e o mellor segundo. Estes catro equipos disputarán en réxime de concentración, nunha fin de semana, a Fase Final.
.
O conxunto Cadete Feminino da entidade dirixido por Jorge Martínez, Breixo Solla e Ignacio Sánchez, estará encadrado no grupo "A" da Copa Galicia 2012/2013 xunto aos equipos R.C. Celta Maristas (Vigo), Martis Cortegada (Vilagarcía) e Arxil "A" (Pontevedra).
.
A primeira das xornadas que xogará o noso conxunto Cadete Feminino será viaxando á pista do Arxil "A" (Pontevedra) a próxima fin de semana dos días 15 e 16 de setembro.
.
O calendario de xogo completo do grupo "A" da Copa Galicia Cadete Feminina 2012/13 é o seguinte:
.
1ª x. (16/09): Arxil "A" - Seis do Nadal Coia
2ª x. (23/09): Martis Cortegada - Seis do Nadal Coia
3ª x. (30/09): Seis do Nadal Coia - R.C. Celta Maristas
4ª x. (07/10): Seis do Nadal Coia - Arxil "A"
5ª x. (21/10): Seis do Nadal Coia - Martis Cortegada
6ª x. (28/11): R.C. Celta Maristas - Seis do Nadal Coia
.
Ao igual que na categoría masculina, cada un dos tres grupos xogará por sistema de liga a dobre volta, con 6 xornadas, clasificándose para a Fase Final o primeiro clasificado de cada un dos tres grupos e o mellor segundo. Estes catro equipos disputarán en réxime de concentración, nunha fin de semana, a Fase Final.