martes, 14 de agosto de 2012

SERGIO GONZÁLEZ ASUMIRÁ A DIRECCIÓN DO SÉNIOR MASCULINO AUTONÓMICO DO SEIS DO NADAL

.

A próxima tempada 2012/2013, Sergio González, adestrador e Director Deportivo do Club Baloncesto Seis do Nadal - Coia, collerá o testigo de César Álvarez e adestrará ao combinado Sénior Masculino Autonómico da entidade que competirá na Liga 2ª División Sénior Masculina da Federación Galega de Baloncesto.

.

O Sénior Masculino Autonómico do Club Baloncesto Seis do Nadal - Coia participará e competirá unha tempada máis na Liga Segunda División Sénior Masculina, cumprindo a súa cuarta campaña na competición e despois de proclamarse equipo subcampión a tempada pasada 2011/2012.

.

Sergio González será o novo adestrador do Sénior Masculino Autonómico para a nova tempada 2012/2013, tempada na que cumprirá a súa décima campaña como integrante do corpo técnico do Club Baloncesto Seis do Nadal - Coia.

.

Inicio adestramentos de pretempada

.

O grupo de xogadores do equipo Sénior Masculino Autonómico comezarán a pretempada o próximo luns día 20 de agosto ás 22:00 horas no Colexio Seis do Nadal.