.
O equipo Cadete Masculino "C" do Club Baloncesto Seis do Nadal - Coia da próxima tempada 2012/2013 estará adestrado e dirixido por Breixo Solla e Andrés Álvarez, e composto integramente por xogadores nados no 1998 e que a tempada pasada militaron no Infantil Masculino "A".
.
Breixo Solla será, na súa oitava tempada formando parte do corpo técnico do noso club, o adestrador principal do Cadete Masculino "C", ademais do adestrador axudante do combinado Cadete Feminino do Seis do Nadal.
.
Breixo Solla estará acompañado por Andrés Álvarez, xogador do club desde as categorías inferiores e que cumprirá a súa terceira tempada como adestrador do Club Baloncesto Seis do Nadal despois da súa incorporación na tempada 2010/11.
.
O Cadete Masculino "C" do club, adestrado pola dupla técnica formada por Breixo Solla e Andrés Álvarez, participará na Liga 2ª División Cadete Masculina 2012/2013 da Federación Galega de Baloncesto que comezará a fin de semana dos días 6 e 7 de outubro do 2012.
.
Inicio adestramentos de pretempada.
O equipo Cadete Masculino "C" comezará os adestramentos de pretempada o luns día 20 de agosto ás 16:00 horas no Colexio Seis do Nadal.