.
Carlos Rodríguez e Diego Montenegro serán os dous novos adestradores do Infantil Masculino "A" do Club Baloncesto Seis do Nadal - Coia da próxima tempada 2012/2013, grupo que estará composto por xogadores nados no ano 1999 e que competirán na Liga 1ª División Infantil Masculina.
.
Carlos Rodríguez, adestrador que cumprirá a súa xa oitava campaña formando parte do corpo técnico, adestrará ao Infantil Masculino "A", equipo composto por xogadores que formaron parte do Infantil Masculino "C" da pasada tempada e que xa tivo nas súas máns.
.
Diego Montenegro adestrará ao Infantil Masculino "A" xunto a Carlos Rodríguez, cumprindo así a súa quinta campaña formando parte do grupo de adestradores, e compaxinando dita función coa súa faceta de xogador do Club Baloncesto Seis do Nadal - Coia.
.
Inicio adestramentos de pretempada
.
O equipo Infantil Masculino "A" do club comezará os seus adestramentos de pretempada o próximo martes día 21 de agosto ás 19:00 horas no Colexio Seis do Nadal, data na que comezará a súa preparación de cara á primeira cita competitiva que será a Copa Galicia a partir da fin de semana do 29 e 30 de setembro do 2012.