(As nosas xogadoras defendendo ao equipo UVA Ponce "A" de Valladolid)
.
XIV Campionato de España de Clubs Cadete Feminino
GRUPO H - 2ª xornada
SEIS DO NADAL - COIA (Vigo) 44
UVA PONCE "A" (Valladolid) 60
.
O combinado Cadete Feminino "A", Seis do Nadal - Coia, do Club Baloncesto Seis do Nadal - Coia, adestrado por Jorge Martínez, Pablo Sánchez e Ignacio Sánchez, caeu ante o UVA Ponce "A" (46-60) na segunda xornada do XIV Campionato de España de Clubs Cadete Feminino celebrado o pasado luns 28 de maio do 2012.
.
O Seis do Nadal - Coia non puido sumar a súa segunda vitoria no campionato no partido ante o Ponce Valladolid, equipo que desde os primeiros minutos do encontro amosou un mellor nivel físico, técnico e táctico. As xogadoras do Seis do Nadal levantaron a cabeza no último dos períodos a pesar de ir por debaixo no marcador e conseguiron forzar un 41-52 a falta de tres minutos para o final do encontro, tempo que transcorreu sen moitas variacións na dinámica do encontro, sempre a favor do UVA Ponce.
.
Pódense consultar as estadísticas do partido ante o UVA Ponce "A", correspondente á segunda xornada do Campionato de España de Clubs Cadete Feminino, pulsando aquí.
.
(Xogadora do UVA Ponce "A" ante a defensa do Seis do Nadal - Coia)
.
O próximo martes día 29 de maio do 2012 ás 16:00 horas o Seis do Nadal - Coia xogará a terceira xornada do Campionato de España de Clubs Cadete Feminino ante o Auka Bidalak Gernika, primeiro equipo clasificado do País Vasco, xornada que decidirá o futuro do Seis do Nadal - Coia no campionato. O outro partido do Grupo "H" enfrontará ao UVA Ponce "A" e ao CD Básket Mar Gijón ás 13:00 horas da mañá.
.
XIV Campionato España Cadete Feminino
GRUPO H (3ª xornada: 29/05/2012) - Pavillón Ángel Orus
(13:00 h.) Uva Ponce "A" - CD Básket Mar Gijón
(16:00 h.) Auka Bidalak Gernika - Seis do Nadal Coia