(Xogadores/as que participaron nos Torneos "Vila de Marín" 2011)
.
Os equipos Alevín Masculino "A" e Infantil Feminino "A" do Club Baloncesto Seis do Nadal - Coia participaron o pasado domingo día 18 de decembro do 2011 nos Torneos de Nadal "Vila de Marín" 2011; organizados polo Marín Peixegalego. O conxunto alevín masculino da entidade participou no 8º Torneo Internacional de Minibásquet o equipo infantil feminino formou parte do cadro de equipos participantes na Primeira Edición do Torneo Infantil Feminino.
.
O Alevín Masculino "A", adestrado por Alicia Álvarez e Borja Martínez, finalizou na quinta posición do torneo competindo ante conxuntos da talla de Oporto (Portugal), Agustinos Eras León, Estudiantes de Lugo, Escolas Deportivas de Ourense, Rosalía Castro de Santiago e Básquet Coruña.
.
(O Alevín Masculino "A" cos premios recibidos no torneo)
.
O xogador alevín do club, Adrián Medina, resultou gañador do concurso de triples que foi organizado de xeito paralelo ao torneo e como antesala da gran final do campionato. Ademais na clausura do torneo, o xogador Cío García foi elixido como un dos deportistas do cinco ideal, galardón votado por tódolos equipos participantes.
.
Na mesma xornada do domingo día 18 de decembro, o Marín Peixegalego organizou a primeira edición do Torneo Infantil Feminino "Vila de Marín", torneo no que participou o equipo Infantil Feminino "A" do Club Baloncesto Seis do Nadal, adestrado e capitaneado por Sergio González, Alicia Álvarez e Daniel Rodríguez.
.
(O Infantil Feminino "A" tras recibir o trofeo de campión do torneo)
O equipo do Seis do Nadal disputou un cuadrangular xunto ao Marín Peixegalego, Estudiantes de Lugo e Agustinos Eras de León, proclamándose campión do torneo tras vencer os seus dos partidos xogados ante o Marín Peixegalego, na semifinal, e o Estudiantes de Lugo na final.
..
Máis fotos dos Torneos "Vila de Marín"
.
.
.
