.
Jorge Martínez, Pablo Sánchez e Ignacio Sánchez serán un ano máis técnicos do noso club e adestrarán ao equipo Cadete Feminino "A" da próxima tempada 2011/2012, grupo composto por xogadoras nadas nos anos 1996 e 1997, e que competirán na Liga 1ª División Cadete Feminina.
.
A pasada tempada 2010/11 Jorge Martínez adestrou e dirixiu ao Cadete Feminino, combinado que participou na Liga FGB Cadete Feminina rematando na sexta posición da táboa final. Jorge Martínez, cumprirá na próxima tempada a súa décimo quinta campaña deportiva como membro do corpo técnico do Club Baloncesto Seis do Nadal - Coia.
..
Pablo Sánchez, Preparador Físico da entidade, continuará como adestrador axudante do Cadete Feminino "A", xunto a Jorge Martínez, a próxima tempada 2011/2012, cumprindo a súa cuarta campaña no corpo técnico do club desde os seus comezos no curso 2008/2009.
..
O corpo técnico do Cadete Feminino "A" do club complétase con Ignacio Sánchez, quen desenvolverá de novo as funcións de delegado do equipo na que será a súa quinta tempada no Club Baloncesto Seis do Nadal - Coia.
..
Liga 1ª División Cadete Feminina e Copa Galicia
..
O equipo Cadete Feminino "A" participará na Liga 1ª División Cadete Feminina, competición na que xogarán dez equipos nun grupo único por sistema de liga a dobre volta todos contra todos, cun total de dezaoito xornadas, e que comezará a fin de semana do 11 de decembro.
..
De xeito previo á primeira xornada da Liga 1ª División Cadete Feminina, o equipo dirixido por Jorge Martínez, Pablo Sánchez e Ignacio Sánchez, participará na Copa Galicia da categoría, competición na que os dez conxuntos se divididrán en dous grupos de cinco equipos cada un, distribuídos por sorteo. Cada grupo xogará por sistema de liga a dobre volta (dez xornadas) e que comezará a fin de semana do 11 de setembro.
.
Inicio adestramentos de pretempada
.
O equipo Cadete Feminino "A" comezará os adestramentos de pretempada o próximo luns día 8 de agosto ás 20:30 horas no Colexio Seis do Nadal.