.
César Álvarez e Diego Montenegro serán os dous novos adestradores do Cadete Masculino "A" do Club Baloncesto Seis do Nadal - Coia da próxima tempada 2011/12, grupo que estará composto por xogadores nados nos anos 1996 e 1997.
.
César Álvarez compaxinará nesta nova tempada a dirección dos combinados Cadete Masculino "A" e Sénior Masculino Autonómico, na que será a súa décima tempada deportiva como membro do corpo técnico do Club Baloncesto Seis do Nadal - Coia.
.
Diego Montenegro asumirá as funcións de adestrador axudante do conxunto, cumprindo a súa cuarta tempada como técnico do staff "nadalista". Diego Montenegro xa desenvolvera as funcións de adestrador axudante neste equipo en categoría infantil masculina na tempada 2009/2010 na Liga FGB Infantil Masculina.
.
Inicio adestramentos de pretempada
.
O equipo Cadete Masculino "A" comezará os adestramentos de pretempada o próximo luns 1 de agosto ás 20:30 horas no Colexio Seis do Nadal.