O pasado martes día 19 de xaneiro do 2010 Viajes Eroski entregou o premio ao número gañador das Rifas de Nadal do Club Baloncesto Seis do Nadal - Coia.
No local de Viajes Eroski de Travesía de Vigo tivo lugar a entrega do premio á familia gañadora. Rosa Negreira, nai dos xogadores do Club Baloncesto Seis do Nadal Iago Iglesias e Icía Iglesias, recibiu a súa estancia dunha semana para dúas persoas no Hotel Don Mexilón (***) de O Grove.
Nesta entrega do premio, ademais da familia gañadora, estivo presente Belén Suárez, Responsable Zonal de Viajes Eroski; Mar Lago, Presidenta do Club Baloncesto Seis do Nadal Coia; e Sergio González, Director Deportivo da entidade.
O Club Baloncesto Seis do Nadal - Coia quere agradecer a colaboración e o apoio ofrecido por Viajes Eroski, e por Belén Suárez, en todo momento; así como felicitar a Rosa Negreira e a súa familia por ser os gañadores dos premios das Rifas de Nadal do noso club.