O Club Baloncesto Seis do Nadal - Coia organiza neste inicio de curso a Presentación Oficial da tempada 2008/09.
Nesta presentación oficial o club presentará a tódolos seus equipos federados e a tódalas súas escolas deportivas, reunindo deste xeito a máis de 400 deportistas, aos que se lle sumarán os máis de 30 monitores e adestradores que conforman o corpo técnico da entidade.
A celebración da Presentación Oficial terá lugar o próximo domingo 23 de novembro do 2008 a partir das 17:00 horas no CEIP Seis do Nadal. Os xogadores e xogadoras dos equipos federados e das escolas deportivas deberán presentarse no Colexio Seis do Nadal ás 16:30 horas coa súa equipación de xogo.
Neste acto se presentará a tódolos equipos federados e escolas deportivas que compoñen a estructura do club, realizaranse as fotos de equipo oficiais da presente campaña e a foto de grupo que de seguro expresará o continuo aumento de participación da nosa entidade. Ademais presentarase oficialmente a tempada 2008/09 a tódolos medios de comunicación e a toda a familia do deporte da canastra e da cidade de Vigo.
Desde o Club Baloncesto Seis do Nadal - Coia invitamos a tódolos interesados a asistir a este acto e poder descubrir o alto número de deportistas que forman parte da entidade, entidade que celebra o seu 25º Aniversario e que ano tras ano segue crecendo apoiando ao deporte base da nosa cidade e mellorando a súa estructura.