Xa é toda unha tradición no Colexio Seis do Nadal a actividade de baloncesto para adultos. Esta actividade do colexio comezou como un equipo de pais e nais dos xogadores/as do club, pero pouco a pouco foise extendendo e comezaron a anotarse familiares, amigos e colaboradores da entidade.
Esta tempada 2008/09 o equipo de baloncesto para adultos, Básquet Adultos, está dirixido e coordinado polo Club Baloncesto Seis do Nadal - Coia. Poden anotarse neste equipo os pais e nais dos xogadores/as, familiares, amigos, colaboradores e todos aqueles integrantes da entidade que o desexen.
Os adestramentos deste equipo serán tódolos martes de 20:15 a 21:30 h. no Colexio Celso Emilio Ferreiro e os xoves de 22:00 a 23:00 h. no Colexio Seis do Nadal.
Todos aqueles que estedes interesados en formar parte nunha tradición do Club Baloncesto Seis do Nadal - Coia como é o equipo de baloncesto para adultos, Básquet Adultos, non dubidedes en inscribiros e anotaros no equipo chamando ao teléfono 627.516.980, mediante o correo electrónico do club baloncestoseisdonadalcoia@gmail.com ou contactando con Sergio González, Director Deportivo da entidade.