Pablo
García "Picher" continuará como adestrador do Club Baloncesto Seis do Nadal - Coia a próxima tempada
2008/09. Pablo comezou a adestrar nas nosas pistas na tempada 2002/03 e agás a tempada 2006/07 adestrou no club desde entón. A próxima campaña 2008/09 continuará o seu camiño como adestrador axudante no Cadete Masculino "B".
A pasada tempada 2007/08 Pablo Picher adestrou ao Infantil Masculino "B" formado integramente por xogadores nados no ano 1995 que chegaban á categoría de transición de minibásquet a categoría infantil.
Para a próxima campaña 2008/09 adestrará xunto a Albert Tomas ao Cadete Masculino "B", equipo composto por xogadores nados nos anos 1993 e 1994, na súa maioría rapaces que xogarán por primeiro ano en categoría cadete. Este ano Pablo García desenvolverá con este equipo funcións de adestrador axudante e xunto ao adestrador principal buscarán a adaptación dos xogadores á categoría e a mellora e perfeccionamento dos conceptos técnico-tácticos do baloncesto.