Carlos Martínez, actual adestrador e Coordinador Deportivo do G.D.G. Basquetebol de Gafanha (Portugal), visitará mañá a cuarta sesión da "Semana de Adestramentos Libres" organizada polo Club Baloncesto Seis do Nadal - Coia.
Os nosos participantes poderán traballar o bloque de arrancadas e saídas das mans de Carlos Martínez, adestrador superior que durante a súa carreira no mundo do baloncesto militou durante moitos anos no Club Baloncesto Seis do Nadal - Coia como Director Xeral e como adestrador, e foi un dos creadores e artífices do que hoxe é a nosa entidade.
Desde o noso club queremos agradecerlle a Carlos Martínez a visita que fará mañá aos nosos xogadores/as da "Semana de Adestramentos Libres" nos seus días de vacacións.