Xa está todo preparado para o VIII Torneo Internacional Caixanova de Minibásquet "25 Anos en Coia, Núcleo de Baloncesto en Vigo" organizado polo Club Baloncesto Seis do Nadal - Coia neste ano no que se celebra os "25 Anos de Historia" da entidade.
Este torneo se celebrará na fin de semana do 15 e 16 de marzo. O sábado 15 terá lugar o torneo de categoría feminina nas instalacións do Colexio Seis do Nadal, do Colexio Garay e do Pavillón Municipal de Coia, e o domingo 16 terá lugar o torneo de categoría masculina no Pavillón Municipal de Coia.
Os equipos que participarán no torneo de categoría feminina serán: Seis do Nadal "A", Seis do Nadal ""B", G.D. Gafanha (Portugal), Canteiras Porriño (Porriño), Real Club Celta (Vigo) e C.B. Arxil (Pontevedra). En categoría masculina os equipos participantes son: Seis do Nadal "A", Seis do Nadal "B", G.D. Gafanha (Portugal), Canteiras Porriño (Porriño), Marín Peixegalego (Marín) e Juventude Pacense (Portugal).
Xa está dispoñible o novo espacio web do VIII Torneo Internacional Caixanova de Minibásquet no que poderedes atopar toda a información sobre o torneo, os equipos participantes, os calendarios de xogo, os concursos, as actividades paralelas, o III Torneo Internacional Benxamín e moitas outras sorpresas. Para acceder a este espacio web soamente tedes que pinchar aquí ou en "VIII TORNEO MINI" no menú da dereita da páxina web.