O venres día 25 de xaneiro do 2008 tivo lugar nos Baixos do Estadio Municipal de Balaídos a presentación oficial da VI Liga Interna de Colexios LINCO - Linorsa 2008 organizada polo Club Baloncesto Seis do Nadal - Coia.
Nesta presentación da sexta edición da "Liga das Estrelas" que deu comezo ás 16:00 horas da tarde con máis de 120 deportistas e cunha grada chea de familiares e amigos dos deportistas, levouse a cabo a entrega das equipacións dos xogadores e xogadoras así como a realización das fotos de equipo de cada categoría (baby, premini e mini) e da foto de grupo con tódolos rapaces e rapazas e cos monitores e monitoras.
Este ano a VI Liga Interna de Colexios LINCO - Linorsa 2008 ten un carácter especial xa que é a edición na que a participación dos xogadores e xogadoras é máis abundante. Máis de 120 deportistas agrupados en 17 equipos fan que esta LINCO 2008 sexa a edición que conte con máis inscritos desde o nacemento desta Liga Interna de Colexios.
O próximo venres 1 de febreiro do 2008 terá lugar a primeira xornada desta "Liga das Estrelas". A partir das 16:00 horas no Pavillón Municipal de Balaídos os equipos de categoría baby e os equipos de categoría premini poderán competir entre eles envoltos nun ambiente de convivencia e diversión no que poderán poñer en práctica tódolos seus coñecementos deste deporte da canastra.
Xa está dispoñible o novo espacio web da VI Liga Interna de Colexios LINCO - Linorsa 2008 e para acceder soamente tedes que pinchar no enlace LINCO 2008 no apartado de páxinas da barra da dereita.