.
A próxima tempada 2013/2014 o equipo Sénior Masculino do Club Baloncesto Seis do Nadal - Coia que competirá na Liga 1ª División Sénior Masculina será adestrado e dirixido por Sergio González, Francisco García e Albert Tomas.
.
Sergio González e Francisco Javier García continuarán no banquillo do equipo despois de conseguir a pasada tempada 12/13 o ascenso a Primeira División e proclamarse campións da Segunda División. Sergio González e Francisco García asumirán o novo reto de adestrar ao combinado de Primeira División, na campaña na que cumpren a súa décimo primeira e décimo terceira tempada como integrantes do Seis do Nadal respectivamente.
.
Nesta nova andanza do Club Baloncesto Seis do Nadal - Coia na Liga 1ª División Sénior Masculina, Sergio González e Francisco García estarán acompañados por Albert Tomas, adestrador do club que cumprirá a súa sétima tempada na entidade, e que levará a cabo funcións de delegado de equipo.
.
Inicio adestramentos de pretempada.
O equipo Sénior Masculino "A" comezará os adestramentos de pretempada o luns día 19 de agosto ás 21:30 horas no Pavillón Municipal de Navia.