jueves, 1 de agosto de 2013

ALICIA ÁLVAREZ E PABLO DE BENITO DIRIXIRÁN AO COMBINADO INFANTIL FEMININO "A" DO SEIS DO NADAL

.

O equipo Infantil Feminino "A" do Club Baloncesto Seis do Nadal - Coia da próxima tempada 2013/2014 que competirá na Liga 1ª División Infantil Feminina da Federación Galega de Baloncesto estará adestrado e capitaneado por Alicia Álvarez e Pablo De Benito.

.

Alicia Álvarez cumprirá este ano a súa sétima tempada como adestradora do corpo técnico do Club Baloncesto Seis do Nadal - Coia, dirixindo ao Infantil Feminino "A", despois de ter adestrado a tempada pasada ao equipo Infantil Feminino "B" e ao conxunto Alevín Feminino "A".

.

Pablo De Benito, nova incorporación ao grupo de técnicos da entidade, será o adestrador axudante do Infantil Feminino "A". Pablo De Benito militou nas últimas tempadas no Universidade de Valladolid como adestrador axudante do conxunto de Liga EBA e como adestrador principal do combinado masculino que disputaba a Liga Universitaria de Castela León. Tamén formou parte do Club Deportivo La Enseñanza onde adestrou desde a tempada 2000/2001 ata a tempada 2009/2010.

.

Inicio adestramentos de pretempada

.

O equipo Infantil Feminino "A" comezará os adestramentos de pretempada o próximo luns 12 de agosto ás 11:45 horas no Colexio Seis do Nadal.