.
O equipo Alevín Masculino "B" do Club Baloncesto Seis do Nadal - Coia da próxima tempada 2012/13 estará adestrado por David Rodríguez, adestrador que cumprirá xa a súa sexta campaña deportiva formando parte do corpo técnico do club, despois da súa etapa como xogador da canteira; e Leticia Estévez, adestradora que vai cumprir o seu terceiro curso no deporte federado e a súa quinta tempada como técnica.
.
Este combinado estará composto e integrado por xogadores de categoría alevín de primeiro ano, nados todos no ano 2002, e estarán nas mans de David Rodríguez, quen coñece de preto ao conxunto despois de adestrar a pasada tempada 2011/2012 ao mesmo combinado en categoría benxamín.
.
Inicio adestramentos de pretempada.
O equipo Alevín Masculino "B" comezará os adestramentos de pretempada o próximo martes 18 de setembro ás 17:30 horas no Colexio Seis do Nadal.