Este
xoves día 31 de xullo do 2008 cúmprense 85 anos
da fundación da Federación Española de Baloncesto, unha das
entidades con máis historia do baloncesto europeo e mundial. Ao longo destes 85
anos de vida, a FEB tivo dez presidentes e as seleccións nacionais, nas súas
distintas categorías tanto masculinas como femininas, conquistaron un total de
69 medallas, das cales 18 son de ouro, 38 delas nos últimos dez anos.
A Federación Española de Baloncesto naceu o 31 de xullo de 1923, fundada por Fidel Bricall, o propietario e director dun ximnasio na rúa Canuda de Barcelona, que foi a primeira sede do organismo. Bricall foi nomeado presidente da primeira xunta directiva, formada por outros catro membros. O compromiso do primeiro presidente co novo deporte foi tal, que incluso chegou a fundar e organizar un equipo propio, o Atlético Bricall, que participou nos primeiros campionatos oficiais da época.
85 anos despois da súa fundación, a FEB está en camiño de consolidarse como "a maior empresa de servizos do baloncesto español", tal e como se marcou como obxectivo, catro anos atrás, o seu actual presidente, José Luis Sáez.
Na actualidade, a FEB move, de forma directa ou a través das Federacións Autonómicas: 365.489 licencias, 30.076 equipos, 9.593 árbitros, 22.071 adestradores, 23 competicións e 18 seleccións nacionais.
Para o exercicio do ano 2008, a Asemblea da Federación Española de Baloncesto, celebrado o pasado día 14 de xuño aprobou un presuposto de 18,7 millóns de euros, o máis elevado da historia da entidade, aparte do exercicio 2007, no que se sumou o presuposto específico da organización do Eurobasket.
Ademais da súa responsabilidade na organización xeral do baloncesto en España, a FEB entregouse en proxectos de gran implicación social que a través da súa Fundación Sociocultural Baloncesto recibiron eloxios xeneralizados, e este ano 2008 púxose en marcha un novo e ambicioso programa de promoción e captación de practicantes, o Tribasket, onde a fase final celebrada no mes de xullo en Madrid reuniu a máis de 1.200 rapaces e rapazas de toda España.
Despois de 85 anos de andanza da Federación Española de Baloncesto e importante resaltar que ten 9 anos máis ca FIBA, 26 anos máis ca NBA, 34 anos máis ca Copa de Europa e 60 anos máis ca ACB.