.(Postal gañadora do 9º Concurso de Postais de Nadal)
.
Esta tempada 15/16 o Club Baloncesto Seis do Nadal Coia organizou por noveno ano consecutivo a Novena Edición do Concurso de Postais de Nadal dirixido a tódolos xogadores de categoría minibásquet dos equipos federados e de escolas deportivas.
.
Despois de seleccionar as seis postais finalistas, publicadas nesta páxina web, entre as preto de 100 postais que foron recibidas; o xurado, formado por un grupo de xogadoras júnior, familiares e membros da dirección da entidade, decidiu que a postal gañadora do 9º Concurso de Postais de Nadal sexa a presentada por Sara Vega, xogadora do combinado Alevín Feminino "A" e nada no ano 2004.
.
A postal gañadora do concurso será a Postal de Nadal coa que o Club Baloncesto Seis do Nadal - Coia felicitará as festas esta tempada 2015/2016 a tódolos seus deportistas, técnicos, familiares, amigos, colaboradores, patrocinadores, etc.
.
Desde a Xunta Directiva da entidade, a Dirección Deportiva e desde tódolos estamentos do Club Baloncesto Seis do Nadal Coia queremos darlle a noraboa e felicitar a Sara Vega, sen esquecernos de felicitar e amosar todo o noso máis sincero agradecemento a tódolos participantes nesta nova edición do concurso polo seu esforzo e pola orixinalidade na realización de cada unha das postais presentadas.