.
A nova tempada 2015/2016 está a punto de comezar para os equipos federados do Club Baloncesto Seis do Nadal Coia. Os grupos que en primeiro lugar comezarán a súa preparación nesta nova pretempada serán os seis equipos federados que competirán nas Fases Previas de Clasificación para as súas Ligas de Primeira División 2015/2016.
.
En categoría infantil os equipos que disputarán as Fases de Clasificación para as Primeiras Divisións desta nova tempada son o equipo Infantil Masculino "A", que estará adestrado esta nova tempada por Diego Montenegro; e o grupo Infantil Feminino "A", que será dirixido por Aalí Mohamed.
Os dous conxuntos da entidade que disputarán as Fases de Clasificación de categoría cadete serán o conxunto Cadete Masculino "A", que terá como adestrador principal neste novo curso a Óscar Álvarez; e o combinado Cadete Feminino "A", que será capitaneado por Francisco Javier García.
E en categoría júnior os dous equipos do club que xogarán as Fases de Clasificación nesta nova tempada serán o Júnior Masculino "A", que será dirxido polo técnico Albert Tomas; e o Júnior Feminino "A", que estará adestrado nesta tempada 2015/2016 por Andrés Álvarez.
As datas dos inicios das novas pretempadas de cada un dos equipos federados anteriores son as seguintes:
INFANTIL MASCULINO "A" (Diego Montenegro)
- Luns 10 de agosto ás 10:00 horas no Colexio Seis do Nadal
INFANTIL FEMININO "A" (Aalí Mohamed)
- Luns 3 de agosto ás 10:00 horas na Praia de Samil
CADETE MASCULINO "A" (Óscar Álvarez)
- Mércores 5 de agosto ás 19:00 horas no Col. Seis do Nadal
CADETE FEMININO "A" (Francisco J. García)
- Luns 10 de agosto ás 17:30 horas no Colexio Seis do Nadal
JÚNIOR MASCULINO "A" (Albert Tomas)
- Luns 10 de agosto ás 20:30 horas no Colexio Seis do Nadal
JÚNIOR FEMININO "A" (Andrés Álvarez)
- Luns 10 de agosto ás 19:00 horas no Colexio Seis do Nadal