A AD SEIS DO NADAL - COIA RECIBIU O PREMIO Á MELLOR ENTIDADE NA PROMOCIÓN DO DEPORTE BASE

(Membros da AD Seis do Nadal - Coia co premio da Xunta de Galicia)

.

A Agrupación Deportiva Seis do Nadal Coia foi galardoada co Premio á Mellor Entidade na Promoción do Deporte de Base na pasada edición dos Premios do Deporte Galego 2013 outorgados pola Xunta de Galicia.

.

Este ano o acto de entrega de premios aos galardoados, entre os que se atopou a Agrupación Deportiva Seis do Nadal - Coia, tivo lugar o pasado xoves día 20 de marzo ás 19:00 horas da tarde na Cidade da Cultura de Galicia en Santiago de Compostela, e estivo presidido por D. Alberto Núñez Feijóo, titular da Xunta de Galicia.

 

Asistiron ao acto de entrega en representación da Agrupación Deportiva Seis do Nadal - Coia: Sergio Puga, Presidente da Agrupación Deportiva; Ánxeles Rivela, Directora do CEIP Seis do Nadal; Francisca García, do Club Baloncesto Seis do Nadal; Antón Piñeiro e Germán Iglesias, do Club  Balonmán Seis do Nadal; e Carmela Castro, responsable da actividade de Ximnasia Rítmica.