OS EQUIPOS ALEVÍNS "A" DO CLUB PARTICIPARON NO 7º TORNEO DE MINIBÁSQUET DO CB BAIONA

(O equipo Alevín Feminino "A" subcampión do torneo feminino)

.

O Club Baloncesto Seis do Nadal - Coia participou durante os pasados días 28 e 29 de decembro do 2013 na Sétima Édición do Torneo Minibásquet 2013 do Club Baloncesto Baiona.

 

Sendo o marco de tódolos encontros o Pavillón Deportivo Municipal da vila baionesa, 24 foron o total de equipos que disputaron o campionato, 12 en categoría masculina e outros tantos en categoría feminina. Do Club Baloncesto Seis do Nadal - Coia participaron o Alevín Masculino "A", adestrado por David Rodríguez; e o Alevín Feminino "A" dirixido por Aalí Mohamed e Silvia Caíño.

 

O equipo Alevín Feminino "A" foi o conxunto subcampión do torneo tras conseguiu chegar ata a final a enfrontarse ao CB Arxil (Pontevedra), equipo campión desta nova edición do torneo. Pola súa banda, o combinado Alevín Masculino "A" chegou ata os cuartos de final, partido no que remataba a súa participación no torneo tras non conseguir superar ao Porriño Baloncesto Base.

 

(O equipo Alevín Masculino "A" antes dun dos partidos do torneo)