(O Júnior Feminino "A" despois da entrega de trofeos da Copa Galicia)
JÚNIOR FEMININO "A"
.
SUBCAMPIÓN COPA GALICIA
.
O grupo Júnior Feminino "A", Seis do Nadal - Coia, do Club Baloncesto Seis do Nadal - Coia proclamouse subcampión da Fase Final da Copa Galicia Júnior Feminina disputada o pasado domingo día 27 de outubro do 2013 no pavillón de Navia en Vigo.
.
Os catro equipos que se clasificaron para a disputa da Fase Final foron o Seis do Nadal - Coia, primeiro clasificado do Grupo "A"; o Porriño Baloncesto Base, primeiro clasificado do Grupo "B"; o Compañía de María, segundo clasificado do Grupo "B"; e o Celta Selmark, na primeira posición do Grupo "C"; os catro equipos pertencentes á Delegación Viguesa de Baloncesto.
.
Na semifinal disputada pola mañá o Seis do Nadal - Coia xogou ante o Compañía de María conseguindo a vitoria (51-33) e a clasificación para a final. Na final enfrontáronse o Seis do Nadal - Coia e o Celta Selmark, combinado que venceu na súa semifinal ao equipo Porriño Baloncesto Base. O partido final foi igualado ata o terceiro dos períodos, momento no que o Celta Selmark conseguía alonxarse no marcador e conseguir así a vitoria ao final de encontro (41-64).
A clasificación final da Fase Final da Copa Galicia Júnior Feminina da presente tempada 2013/2014 foi:
1º- CELTA SELMARK (Vigo)
2º- SEIS DO NADAL - COIA (Vigo)
3º- PORRIÑO BALONCESTO BASE (O Porriño)
4º- COMPAÑÍA DE MARÍA (Vigo)
.
(O Seis do Nadal - Coia e o Celta Selmark despois de xogar a final)