.(Postal gañadora do 6º Concurso de Postais de Nadal)
.
Esta tempada 12/13 o Club Baloncesto Seis do Nadal Coia organizou por sexto ano consecutivo a Sexta Edición do Concurso de Postais de Nadal dirixido a tódolos xogadores de categoría minibásquet dos equipos federados e de escolas deportivas.
.
Despois de seleccionar as cinco postais finalistas, publicadas nesta páxina web, entre as máis de 100 postais que foron recibidas; o xurado, formado por membros dos grupos infantís da entidade, decidiu que a postal gañadora do 6º Concurso de Postais de Nadal sexa a presentada por Pablo Tresandí, xogador do equipo federado Benxamín Masculino "B" e nado no ano 2005.
.
A postal gañadora do concurso será a Postal de Nadal coa que o Club Baloncesto Seis do Nadal - Coia felicitará as festas esta tempada 2012/2013 a tódolos seus deportistas, técnicos, familiares, amigos, colaboradores, patrocinadores, etc.
.
Desde a Xunta Directiva da entidade, a Dirección Deportiva e desde tódolos estamentos do Club Baloncesto Seis do Nadal Coia queremos darlle a noraboa e felicitar a Pablo Tresandí, sen esquecernos de felicitar e amosar todo noso máis sincero agradecemento a tódolos participantes nesta nova edición do concurso polo seu esforzo e pola orixinalidade na realización de cada unha das postais presentadas.
.
Xa se pode acceder ás máis de 100 postais recibidas deste 6º Concurso de Postais de Nadal organizado unha tempada máis polo Club Baloncesto Seis do Nadal - Coia na Galería de Fotos desta páxina web.