.
O club Club Baloncesto Seis do Nadal - Coia presentou a tódolos seus equipos federados e as súas escolas deportivas o pasado domingo día 18 de novembro no pavillón municipal de Navia ante unhas gradas cheas de familiares, amigos, amigas e colaboradores.
.
Nesta presentación oficial da tempada 2012/2013 a entidade presentou a tódolos seus equipos federados e a tódalas escolas deportivas, reunindo así a máis de 600 deportistas en total, máis de 300 xogadores e xogadoras formando parte dos equipos federados e outros tantos nas distintas escolas deportivas, aos que se lle sumaron os máis de 30 monitores e adestradores que conforman o corpo técnico da entidade, un dos maiores do panorama deportivo galego.
.
O acto deu comezo ás 18:00 horas da tarde coa benvida do Alcade do Concello de Vigo, D. Abel Caballero Álvarez, quen agradeceu o traballo e esforzo de todos e cada un dos integrantes do Club Baloncesto Seis do Nadal - Coia e desexou moita sorte para a nova tempada 2012/2013 ademais de brindar toda a súa colaboración e apoio.
.
.
A presentación continuou co desfile dos 23 equipos federados, grupos aos que lles seguiron o combinado de baloncesto para adultos e as once escolas deportivas da entidade. O último grupo en ser presentado foi o conxunto de adestradores e adestradoras, que recibiu unha gran acollida e ovación por parte de tódolos presentes no multiusos de Navia.
.
Unha vez presentados cada un dos equipos e realizadas ás fotos oficias da tempada, tiveron lugar as intervencións dos dirixentes da entidade e das autoridades que acompañaron ao noso club durante a Presentación Oficial.
.
Abriu ditas intervencións D. José Manuel Fernández Pérez, como Concelleiro de Deportes do Concello de Vigo; e logo continuaron no turno de palabra D. Jose Luis Pérez Pérez; Presidente e Director Executivo da Delegación Viguesa de Baloncesto; Dna. Ánxeles Rivela Machado, Directora do Colexio Seis do Nadal; D. Sergio González Larrañaga, Director Deportivo do Club Baloncesto Seis do Nadal - Coia; pechando as intervencións Dna. Concepción Martíns Rivas; Presidenta do Club Baloncesto Seis do Nadal - Coia, quen clausurou o acto e agradeceu a asitencia aos alí presentes.
