martes, 15 de mayo de 2012

O C.BC. SEIS DO NADAL - COIA CONTINÚA RECOLLENDO "TAPÓNS SOLIDARIOS" PARA AXUDAR A SHEILA

(Xogadores e xogadoras benxamíns xunto aos tapóns que recolleron)

.

O Club Baloncesto Seis do Nadal - Coia está levando a cabo unha campaña de recollida de tapóns de plástico desde o pasado mes de decembro do 2011 para axudar a unha nena de tres anos da cidade de Vigo chamada Sheila e que necesita apoio económico para operarse na cidade de Barcelona de diferentes cardiopatías, alteracións e malformacións que leva arrastrando desde o seu nacemento.

.

Tódolos xogadores e xogadoras e os técnicos e adestradoras dos combinados federados do Club Baloncesto Seis do Nadal Coia, así como as súas familias e amigos e amigas, están a recoller e entregar tapóns de plástico nas oficinas da entidade para entregarlle aos familiares de Sheila.

.

(Un dos equipos cadetes do club cos tapóns recollidos para Sheila)

.

O pasado xoves día 10 de maio entregáronse aos familiares de Sheila tódolos tapóns recollidos ao longo da presente tempada 2011/2012. A campaña de recollida dos xa coñecidos como "tapóns da solidariedade" está sendo a súa única vía para poder recaudar fondos e conseguir un futuro para a súa filla, campaña que o Club Baloncesto Seis do Nadal - Coia apoiou desde os primeiros intres.

.

(Os xogadores prebenxamíns tamén recollerón tapóns para a campaña)

.

O Club Baloncesto Seis do Nadal - Coia sigue adherido a esta campaña solidaria que pretende enviarlle a Sheila unha gran pequena mostra de axuda e colaboración en forma de moitos tapóns de plástico que son recollidos e entregados por tódolos integrantes da entidade viguesa.

.

O noso club continuará recollendo tapóns ata finais do curso 2011/12 polo que animamos a tódolos xogadores e xogadoras e aos técnicos e adestradoras dos combinados federados e das escolas deportivas do Club Baloncesto Seis do Nadal, así como aos seus familiares e amigos e amigas, a continuar recollendo tapóns de plástico para axudar a Sheila.