.
(Os xogadores do Desportivo de Leça co trofeo de campións do torneo)
.
O pasado domingo día 8 de abril do 2012 o Club Baloncesto Seis do Nadal - Coia organizou a xornada de categoría Cadete Masculina Serie "A" do 5º Torneo Internacional Cadete "Coia, Núcleo de Baloncesto en Vigo", xornada na que o conxunto portugués do Desportivo de Leça se proclamou campión.
.
Os seis equipos que competiron nesta xornada de categoría Cadete Masculina Serie "A" foron o Seis do Nadal Illas Cíes (Vigo), o Agustinos León (León), Básquet Coruña (A Coruña), Instituto Rosalía (Santiago de Compostela), Porriño Baloncesto Base (O Porriño) e Desportivo de Leça (Portugal).
.
Estes seis equipos divididos en dous grupos disputaron a fase de clasificación durante a mañá no Polideportivo Municipal de Balaídos. O Desportivo de Leça encabezou o seu Grupo "A", seguido do Instituto Rosalía e Seis do Nadal Illas Cíes. No Grupo "B" o Básquet Coruña foi o primeiro equipo clasificado, sendo o segundo o Agustinos León, e o terceiro clasificado o Porriño Baloncesto Base.
.
Na fase final de cruces, disputada pola tarde, no partido polo 5º e 6º postos o Seis do Nadal Illas Cíes lograba a vitoria ante o Porriño Baloncesto Base nun partido no que estivo por diante no marcador nos catro períodos do mesmo. No encontro pola 3ª e 4ª posición, disputado entre o grupo Instituto Rosalía e o Agustinos León, o equipo santiagués conseguía a vitoria por 80 a 76 nun igualado partido no que o Agustinos León loitou ata os últimos intres por adiantarse no marcador.
.
(Os xogadores do Instituto Rosalía subcampións do 5º Torneo Cadete)
.
O partido final da Categoría Masculina Serie "A" do 5º Torneo Internacional Cadete 2012 emparexou ao Desportivo de Leça e ao Básquet Coruña. O equipo portugués levou a inciativa ao longo de todo o encontro chegando ao tempo de descanso cunha traballada vantaxe de 37-21. A segunda metade seguiu a tendencia dos dous primeiros períodos e o Básquet Coruña non foi capaz de parar o potencial do equipo luso, amosando o marcador un 66-45 final que proclamaba ao Desportivo de Leça novo campión do 5º Torneo Internacional Cadete 2012.
.
.
.
.
.
.
No acto de clausura e na entrega de premios desta xornada de categoría Masculina Serie "A" do Torneo Internacional Cadete 2012 estivo presente Concepción Martins, Presidenta do Club Baloncesto Seis do Nadal; Francisca García, Secretaria da entidade; Sergio González, Director Deportivo do club; Breixo Solla, en representación do corpo técnico da entidade viguesa; e Lara Touza e David Rodríguez en represetación do grupo de xogadores e xogadoras do Club Baloncesto Seis do Nadal.