lunes, 2 de enero de 2012

O CADETE FEMININO "A" E O JÚNIOR FEMININO NO XVII TORNEO DE NADAL DO CLUB MARISTAS DE A CORUÑA

.

(Participantes do XVII Torneo de Nadal do Club Maristas de A Coruña)

.

O venres día 30 de decembro do 2011 o Club Baloncesto Seis do Nadal - Coia participou no XVII Torneo de Nadal 2011 organizado polo Club Maristas de A Coruña.

 

O Cadete Feminino "A", dirixido por Jorge Martínez, Pablo Sánchez e Ignacio Sánchez; e o Júnior Feminino, adestrado por Francisco García; foron os dous equipos que representaron ao Club Baloncesto Seis do Nadal - Coia no torneo disputado en A Coruña.

 

(Cadete Feminino "A" e Júnior Feminino no Torneo celebrado en A Coruña)

 

O combinado Cadete Feminino "A"  do club disputou a final do torneo de categoría cadete feminina ante o grupo Mercedarias de Ferrol, partido que rematou con vitoria para as xogadoras ferrolás proclamándose o noso equipo subcampión do torneo. En categoría júnior feminina o Seis do Nadal - Coia ocupou á cuarta posición, tras non conseguir a vitoria no partido polo terceiro e cuarto posto ante o Mercedarias de Ferrol.

 

As clasificacións finais do XVII Torneo de Nadal 2011 do Club Maristas de A Coruña, en categoría cadete feminina e júnior feminina foron as seguintes:

 

Categoría Cadete Feminina

1º- MERCEDARIAS (Ferrol)

2º- SEIS DO NADAL - COIA (Vigo)

3º- PONTUMIO (Pontedeume)

4º- MARISTAS (A Coruña)

 

Categoría Júnior Feminina

1º- PONTUMIO (Pontedeume)

2º- BCA (A Coruña)

3º- MERCEDARIAS (Ferrol)

4º- SEIS DO NADAL - COIA (Vigo)

 

(Laura López e Andrea Barreiro recollendo o premio dos concursos)

 

As nosas xogadoras de categoría cadete e júnior participaron nos concursos organizados no torneo sendo Laura López a vencedora do concurso de tiros libres en categoría cadete, Andrea Barreiro a do concurso de triples de categoría cadete, e Susana Bravo a xogadora campioa da canastra imposible de categoría júnior.