.
O Club Baloncesto Seis do Nadal - Coia organizará nestas presentes vacacións de Nadal a 7ª Edición do Campus de Inverno 2011 "Xornadas de Tecnificación". Despois dos éxitos das pasadas edicións do campus a entidade volverá a celebrar as xornadas de perfeccionamento técnico con dous turnos diferenciados por categorías.
.
O obxectivo destas xornadas é reforzar o traballo de técnica individual dos deportistas do Club Baloncesto Seis do Nadal e do baloncesto vigués e galego, fundamentalmente nas idades óptimas para a formación.
.
A Sétima Edición do Campus de Inverno 2011 se celebrará en dous turnos distintos nos Colexio Seis do Nadal e no Colexio Illas Cíes. O primeiro turno dirixido ás categorías benxamín e alevín se celebrará os días 26, 27, 28 e 29 de decembro do 2011 entre as 10:00 e as 13:30 horas. O segundo turno, aberto ás categorías infantil, cadete e júnior, terá lugar os días 2, 3, 4 e 5 de xaneiro do 2012 entre as 10:30 e as 13:30 horas.
.
Poderán inscribirse neste Campus de Inverno os deportistas dos equipos federados e das escolas deportivas do Club Baloncesto Seis do Nadal - Coia e tamén se poderán anotar os deportistas do baloncesto vigués e galego que así o desexen, desde categoría benxamín (nados no ano 2004) ata júnior (nados no ano 1994), segundo o turno correspondente.
.
O prezo deste campus é de 30 euros para os deportistas do Club Baloncesto Seis do Nadal - Coia, do deporte federado e das escolas deportivas, e os seus irmáns ou irmás, e de 40 euros para deportistas doutros clubs ou entidades.
.
As prazas dispoñibles para as Xornadas de Tecnificación 2011 son limitadas e se farán efectivas por rigorosa orde de inscrición (sendo válida a data que figure no ingreso). Para formalizar a inscrición é preciso enviar o comprobante de pago (co nome completo do deportista e o club ao que pertence) e a folla de inscrición, antes do 23 de decembro do 2011 para o primeiro turno e antes do día 30 de decembro do 2011 para o segundo turno, ao mail baloncestoseisdonadalcoia@gmail.com ou ao fax 986227275.
.
Xa se pode descargar a folla de inscrición do 7º Campus de Inverno 2011 "Xornadas de Tecnificación" pulsando na imaxe.
.
