..
..
.
O Benamín Feminino do Club Baloncesto Seis do Nadal Coia da próxima tempada 2011/2012 estará capitaneado por Leticia Estévez, adestradora que cumprirá a súa segunda campaña no deporte federado e a súa cuarta tempada no corpo técnico da entidade.
.
Un grupo de xogadoras de categoría benxamín nadas nos anos 2002 e 2003 formarán parte do conxunto Benxamín Feminino da entidade. Leticia Estévez será a adestradora deste equipo despois de dirixir a tempada pasada 2010/2011 ao Benxamín Feminino na súa primeira experiencia no deporte federado.
.
Segundo as Bases de Competición da nova tempada 2011/12 o Benxamín Feminino participará nunha primeira fase local, competición previa á fase de clasificación que dará acceso á Fase Final do Campionato Galego. Esta tempada o Benxamín Feminino da entidade competirá na nova categoría benxamín Feminina, categoría na que participarán conxuntos formados integramente por xogadoras.
.
Inicio adestramentos de pretempada.
O equipo Benxamín Feminino comezará os adestramentos de pretempada o próximo venres día 23 de setembro ás 16:00 horas no Colexio Seis do Nadal. Os días de adestramento deste conxunto ao longo da tempada serán luns, mércores e venres de 16:00 a 17:30 horas no Colexio Seis do Nadal.