(Salto incial da volta dos cuartos de final ante o C.B. Lunic)
.
O Sénior Masculino Zonal, Seis do Nadal - Coia, do Club Baloncesto Seis do Nadal - Coia, clasificouse para xogar a Fase de Ascenso á Liga Zonal DVB División "A" despois de quedar clasificado na terceira posición do Grupo "B" da Liga Zonal DVB División "B".
.
O combinado Sénior Masculino Zonal, adestrado por César Álvarez, rematou a primeira fase na terceira posición da táboa despois de dez encontros disputados cun balance de sete partidos gañados e tres derrotas, unha derrota ante Salesianos na primeira xornada e os dous partidos disputados ante o C.B. Vigo A.M. A clasificación final do grupo foi a seguinte:
.
.
Os cuartos de final da Fase de Ascenso á División "A" enfrontou ao noso combinado ante o C.B. Lunic, segundo clasificado do Grupo "A" da Liga Zonal División "B". No partido de ida xogado no Colexio Seis do Nadal, o Sénior Masculino Zonal, Seis do Nadal - Coia, conseguía unha ampla vantaxe de cara ao partido de volta (53-74).
.
No partido de volta disputado o pasado sábado 12 de marzo do 2011 nos Baixos do Pavillón Municipal de Balaídos, o Seis do Nadal - Coia amosou unha vez máis a súa mellor versión chegando ao descanso do encontro cunha vantaxe próxima aos 20 puntos. Ao final do partido, no que destacan os doce triples anotados polo noso combinado, o 62-81 que reflexaba o marcador clasificaba ao equipo "seisnadalista" para o seguinte cruce, as semifinais, da Fase de Ascenso.
.
(Xogadores do Sénior Zonal no partido de volta ante o C.B. Lunic)
.
Esta tempada 2010/2011 o equipo Sénior Masculino Zonal xogará as semifinais da Fase de Ascenso á División "A", obstáculo que de pasar aseguraría o tan ansiado ascenso. O conxunto ao que se enfrontará o Seis do Nadal - Coia será o Salesianos, primeiro clasificado do Grupo "B". Contra este conxunto e xa na anterior fase de grupos, o Seis do Nadal conseguiu unha vitoria (67-69) e unha derrota (65-73), polo que a igualdade será a protagonista deste cruce.
.
O cadro da Fase de Ascenso á Liga Zonal DVB División "A", cos resultados do primeiro cruce, é o seguinte:
.
