.
(Postal gañadora do 4º Concurso de Postais de Nadal)
.
Esta tempada 10/11 o Club Baloncesto Seis do Nadal Coia organizou por cuarto ano consecutivo a Cuarta Edición do Concurso de Postais de Nadal dirixido a tódolos xogadores de minibásquet de equipos federados e de escolas deportivas.
.
Despois de seleccionar as tres postais finalistas, publicadas nesta mesma noticia, entre as preto de 150 postais que foron recibidas; o xurado, composto por membros do corpo técnico da entidade, decidiu que a postal gañadora do 4º Concurso de Postais de Nadal sexa a presentada por Álex Campos, xogador da Escola Deportiva do CEIP Javier Sensat e nado no ano 2003.
.
A postal gañadora do concurso será a Postal de Nadal coa que o Club Baloncesto Seis do Nadal - Coia felicitará as festas esta tempada 2010/2011 a tódolos seus deportistas, técnicos, familiares, amigos, colaboradores, patrocinadores, etc.
.
Desde a Xunta Directiva da entidade, a Dirección Deportiva e desde tódolos estamentos do Club Baloncesto Seis do Nadal Coia queremos darlle a noraboa e felicitar a Álex Campos, sen esquecernos de felicitar e mostrar o noso máis sincero agradecemento a tódolos participantes nesta nova edición do concurso polo seu esforzo e orixinalidade na elaboración das postais.
.
Xa se pode acceder ás preto de 150 postais recibidas deste 4º Concurso de Postais de Nadal organizado por cuarta tempada consecutiva pola entidade Club Baloncesto Seis do Nadal - Coia na nosa "Galería de Fotos".