.
(Postal 2009/2010 realizada por Cío García - 2000)
.
O Club Baloncesto Seis do Nadal - Coia co obxectivo de achegar o Nadal a tódolos nosos deportistas e, en especial, aos nosos xogadores/as máis pequenos, e despois da gran aceptación e o éxito das tempadas pasadas, organizará nesta campaña 2010/2010 o 4º Concurso de Postais de Nadal no que poderán participar tódolos nosos xogadores e xogadoras de Minibásquet.
.
As bases deste 4º Concurso de Postais de Nadal do Club Baloncesto Seis do Nadal - Coia que se volve a convocar por cuarto ano consecutivo son:
.
- Participantes: tódolos xogadores e xogadoras de categoría Minibásquet de Equipos Federados e das Escolas Deportivas (categorías prebenxamín, benxamín e alevín).
.
- Deseño e tamaño da postal: poderá estar realizada a man ou mesmo a través do ordenador, en branco e negro ou a cor. O tamaña do traballo deberá ser de medio folio e non se poderá empregar purpurina.
.
- Motivos da postal: a postal deberá ter ao Nadal e máis ao baloncesto como motivo principal.
.
- Data límite de entrega: venres 10 de decembro do 2010.
.
- Forma de entrega: as postais deberán ser entregadas aos adestradores/as ou monitores correspondentes antes da data límite, ou enviadas coa maior calidade posible ao mail do club: baloncestoseisdonadalcoia@gmail.com.
.
- Premio do concurso: a postal gañadora do concurso será a postal de Nadal coa que a entidade felicitará as festas esta tempada a tódolos seus deportistas, adestradores, familiares, amigos, colaboradores, patrocinadores, etc.
.
A comunicación da postal gañadora farase público o luns día 13 de decembro do 2010 a través da páxina web do Club Baloncesto Seis do Nadal - Coia.