.
O Sénior Masculino Autonómico, Seis do Nadal - Coia, do club Club Baloncesto Seis do Nadal - Coia, iniciará o seu camiño na Liga FGB Sénior Masculina desta nova tempada 2010/2011 o próximo sábado día 16 de outubro do 2010.
.
O noso conxunto volvía a pasada tempada 2009/2010 á Liga Autonómica FGB de categoría Sénior Masculina conseguindo unha meritoria e traballada undécima posición. Esta nova campaña deportiva o noso equipo volverá a competir nesta liga de ámbito autonómico por segundo ano consecutivo.
.
O equipo Universitario Campus Ourense, cuarto clasificado da pasada tempada 2009/10, será o primeiro rival que recibirá o noso combinado o próximo sábado 16 de outubro a partir das 20:00 horas no Pavillón Municipal de Balaídos (Vigo).