.
A páxina web do Club Baloncesto Seis do Nadal - Coia superou no actual mes de agosto do 2010 as 200.000 visitas. O principal medio de comunicación do club, dispoñible desde o inicio da tempada 2007/08, xa recibiu en total máis de 200.000 visitas, o que supoñe un récord histórico de entradas para a páxina web da entidade, recibindo como media máis de 200 visitas diarias.
.
Esta web naceu o pasado 3 de setembro do 2007 coa idea de conseguir un medio de comunicación, de información e de actualidade máis accesible e actualizado para todos e todas. Desde entón, esta web foi todo un éxito debido ao seu carácter interactivo, sinxelo e actualizado; e se converteu no principal medio de comunicación da entidade e nunha das visitas diarias de cada vez máis persoas.
.
Con esta web tódolos visitantes teñen a posibilidade de estar ao día da información e da actualidade do noso club, o Club Baloncesto Seis do Nadal - Coia, club que recibiu a pasada tempada o Premio Galicia de Xornalismo Deportivo 2009 na modalidade "Internet" outorgado pola Federación Galega de Prensa Deportiva.