AVISO IMPORTANTE (xoves 25 de febreiro)
.
A Federación Galega de Baloncesto, seguindo as ordes da Secretaría Xeral para o Deporte da Xunta de Galicia en vista da adversa situación meteorolóxica que atravesa nestas datas a nosa Comunidade e por unha cuestión de prudencia, toma a decisión de suspender toda a competición desta xornada nas Ligas FGB e nas Ligas das Delegacións Zonais.
.
Polo tanto suspéndense todos os encontros de carácter autonómico e de ámbito zonal que se ían disputar na nosa Comunidade Autónoma esta fin de semana dos días 26, 27 e 28 de febreiro.
.
Ademais por estes motivos e por recomendación dos centros educativos suspéndense tódolos adestramentos do Club Baloncesto Seis do Nadal - Coia a desenvolver o venres 26 de febreiro no CEIP Seis do Nadal, no CEIP Illas Cíes e no CPI Celso Emilio Ferrreiro.