Co motivo do inicio do novo curso escolar 2009/2010, comeza o Programa Municipal de Escolas Deportivas.
Novamente no Programa de Escolas Deportivas o noso Club Baloncesto Seis do Nadal - Coia é a entidade deportiva encargada de impartir a actividade de baloncesto escolar (masculino e feminino) entre os cativos e cativas da cidade.
Neste proxecto, o Instituto Municipal de Deportes promove, potencia e recoñece a actividade desempeñada pola nosa Entidade Deportiva, recoñecida polo Concello co Indicativo de Calidade na promoción da nosa modalidade deportiva, neste caso, o baloncesto.
Os obxectivos fundamentais cos que o Club Baloncesto Seis do Nadal - Coia impartirá esta actividade escolar son:
- Fomentar a actividade deportiva entre os alumnos e alumnas que se axusten ás idades requeridas como un complemento á súa actividade física.
- Educar e formar constantemente nos valores de cooperación e solidariedade no desenvolvemento da práctica deportiva.
- Recoñecer as capacidades de cada un dos escolares no desenvolvemento da actividade deportiva.
- Potenciar as súas capacidades físico-deportivas.
O novo curso das Escolas Deportivas comezará a partir do próximo 1 de outubro. Desde o Club Baloncesto Seis do Nadal - Coia animamos a tódolos nenos e nenas a iniciarse na modalidade deportiva do baloncesto escolar e anotarse na Escola Deportiva correspondete.
Proximamente serán públicas nesta páxina web as Escolas Deportivas que o noso Club Baloncesto Seis do Nadal - Coia coordinará esta nova tempada 2009/2010.