Carlos Rodríguez e Francisco García adestrarán e dirixirán ao conxunto Sénior Feminino do Club Baloncesto Seis do Nadal - Coia a presente tempada 2009/2010.
Nesta nova tempada deportiva 2009/2010 o Club Baloncesto Seis do Nadal - Coia recupera a categoría Sénior Feminina coa creación dun conxunto formado na súa maior parte por xogadoras da categoría júnior da pasada tempada 2008/2009, por adestradoras e monitoras da entidade e por ex-xogadoras das categorías de formación do club.
Carlos Rodríguez e Francisco García asumirán o proxecto de adestrar e dirixir ao equipo Sénior Feminino nesta tempada 2009/2010, un novo proxecto cargado de ilusión e motivación por parte dos integrantes do equipo que solicitaban do club un equipo en dita categoría.
Este grupo deu comezo aos adestramentos da nova tempada o xoves día 17 de setembro ás 21:30 horas no Pavillón Municipal de Balaídos.