O Comité Técnico da Federación Española de Baloncesto convocou a María Pérez Araujo (1997), xogadora alevín do Club Baloncesto Seis do Nadal - Coia, para participar na súa Preselección U12 Feminina.
Este combinado concentrarase durante un total de nove días para traballar dentro do Programa de Detección de Talentos organizado cada ano pola Federación Española de Baloncesto e o Consello Superior de Deportes.
As dúas Preseleccións Españolas U12, tanto en categoría masculina como en feminina, concentraranse en Santa María del Collel (Girona) do 28 de xullo ao 5 de agosto.
Desde tódolos estamentos do Club Baloncesto Seis do Nadal queremos darlle a noraboa a nosa xogadora María Pérez por esta convocatoria coa Preselección Española U12 Feminina e desexamos que a aproveite acumulando novas experiencias no deporte da canastra.