O pasado venres 1 de maio do 2009 os equipos Alevín Feminino "B", Caixanova Seis do Nadal, adestrado por Marcos Blanco e Bea Vaquero, e o Alevín Masculino "B", Caixanova Eijo Garay, adestrado por Carlos Rodríguez e David Rodríguez, do Club Baloncesto Seis do Nadal - Coia participaron na vila de Ponte da Lima (Portugal) na IX Mini Maratona Internacional de Basquetebol organizada pola Escola Desportiva de Limiana.
Durante a xornada, cada un dos nosos equipos disputou un total de cinco partidos repartidos entre a mañá e a tarde. Os nosos xogadores e xogadoras participaron nun concurso de habilidades e aproveitaron para visitar e coñecer a vila de Ponte da Lima acompañados polos seus adestradores.
O Club Baloncesto Seis do Nadal - Coia quere agradecer, un ano máis, a invitación recibida pola Escola Desportiva Limiana para participar na súa Mini Maratona Internacional.