A candidatura española para a celebración do Mundial 2014 reuniu 50.000 cartas escritas por nenos e nenas de tódolos colexios das cinco cidades que figuran como sedes oficiais do campionato. Nestas cartas, os escolares españois diríxense ao secretario xeral da Federación Internacional de Baloncesto, Patrick Baumann, solicitando a celebración do Mundial 2014 en base aos máis variados e persoais argumentos.
O secretario xeral da FIBA recibirá as máis de 50.000 cartas persoalmente, pero ademais terá a oportunidade de escoitar algunhas delas como parte do vídeo que acompañará á presentación final da candidatura da Federación Española de Baloncesto o sábado 23 de maio na reunión do Central Board da FIBA en Ginebra.
Neste vídeo, que acompañará á candidatura da Federación Española de Baloncesto na presentación final, Borja Astray, xogador das categorías de minibásquet do Club Baloncesto Seis do Nadal - Coia, lee un fragmento das cartas que serán recibidas por Patrick Bowman.
O proxecto español se basa na capacidade organizativa, o respaldo dun país moderno con excelentes infraestruturas e a pasión da afición polo baloncesto. O Central Board anunciará o nome do país gañador, trala pertinente votación dos seus 20 membros con dereito a voto, durante a reunión fixada para o sábado 23 de maio de 2009.