O próximo domingo día 22 de febreiro de 2009, a partir das 17:00 horas, no Colexio Seis do Nadal en Coia, terá lugar a I Concentración de Escolas Deportivas que organizará o Club Baloncesto Seis do Nadal - Coia nesta tempada.
Na campaña pasada 2007/08 o Club Baloncesto Seis do Nadal - Coia, organizou unha serie de concentracións de Escolas Deportivas, onde tódolos rapaces e rapazas matriculados en deporte escolar viviron tardes cheas de baloncesto e diversión. Este ano, dado o gran éxito e aceptación que tivo esta actividade a tempada pasada, a nosa entidade quere repetir estas concentracións.
A esta I Concentración de Escolas Deportivas poderán asistir tódolos rapaces e rapazas pertencentes ás Escolas Deportivas do Club Baloncesto Seis do Nadal - Coia, participen ou non na 7ª Liga Interna de Colexios LINCO - LINORSA 09.
Así pois, o próximo domingo 22 de febreiro, desde as 17:00 horas e ata as 19:00 horas, no Colexio Seis do Nadal, agárdanos unha tarde de partidos amigables, xogos, concursos, diversión e moito, moito baloncesto. Non o dubides e participa! Esperámoste!