O próximo domingo 25 de xaneiro ás 17:00 horas no Colexio Seis do Nadal terá lugar unha nova concentración da Preselección Zonal de Minibásquet Masculina nesta tempada 2008/09.
Os xogadoras do Club Baloncesto Seis do Nadal - Coia que asistirán a esta nova convocatoria son Borja Astray (1998), Hugo López (1997) e César Rodríguez (1997), xogadores do Alevín Masculino "A", Caixanova Seis do Nadal, e adestrados por Sergio González e Javier Carpintero.
Desde o Club Baloncesto Seis do Nadal - Coia queremos felicitar aos nosos deportistas por esta nova oportunidade que terán coa Selección Zonal de Minibásquet e animámoslles a que aproveiten a experiencia para seguir aprendendo e mellorando.