A última edición da Liga das Estrelas LINCO - LINORSA 2008 supuxo un gran éxito para o Club Baloncesto Seis do Nadal - Coia, xa que se cumpriron os obxectivos marcados para esta competición superando tódalas expectativas sobre o número de xogadores e xogadoras participantes.
A mellora técnica e formativa de todos e cada un dos deportistas foi notable e púidose seguir venres tras venres nesta competición escolar
Tamén é de destacar o gratificante que foi para a nosa entidade poder ver a tódolos familiares e amigos dos participantes animando e aplaudindo o esforzo dos xogadores e xogadoras sempre cun comportamento deportivo e admirable
Por estes motivos o Club Baloncesto Seis do Nadal - Coia organizará por sétimo ano consecutivo unha nova edición desta Liga Interna de Colexios (LINCO) que terá lugar nos Baixos do Estadio Municipal de Balaídos tódolos venres, desde xaneiro ata maio, de 16:00 a 18:00 horas
Esta 7ª Liga Interna de Colexios LINCO - LINORSA 2009 celebrá o seu acto de presentación o próximo venres 30 de xaneiro de 2009 ás 16:00 horas da tarde nos Baixos do Estadio Municipal de Balaídos.
No acto de presentación desta Liga das Estrelas darase a coñecer o novo formato desta competición de colexios que contará con numerosas novidades nesta tempada 2008/09. Ademais tódolos participantes desta nova edición da LINCO poderán asistir a numerosas sorpresas ao longo da tarde.
Proximamente publicarase nesta páxina web máis información sobre esta nova Liga Interna de Colexios LINCO - LINORSA 2009 e sobre o acto de presentación que se celebrará o próximo venres 30 de xaneiro.