O Club Baloncesto Seis do Nadal - Coia organizará nestas vacacións de Nadal, por terceiro ano consecutivo, o 3º Campus de Inverno 08 "Xornadas de Tecnificación". Despois do éxito da pasada edición a entidade volver a celebrar estas xornadas de perfeccionamento técnico.
O obxectivo destas xornadas é reforzar o traballo de técnica individual dos deportistas do Club Baloncesto Seis do Nadal - Coia e do baloncesto vigués en xeral, fundamentalmente en idades óptimas para a formación.
Este 3º Campus de Inverno 08 "Xornadas de Tecnificación" terá lugar os días 22, 23, 24 e 26 de decembro do 2008 no Colexio Seis do Nadal e no Colexio Eijo Garay entre as 10:00 e as 13:30 horas.
Poderán inscribirse nestas xornadas tódolos deportistas do Club Baloncesto Seis do Nadal - Coia e, como novidade este ano, tamén se poderán anotar os deportistas do baloncesto vigués que o desexen, de categoría benxamín (2001) ata categoría júnior (1991).
O prezo deste campus é de 25 euros para os deportistas do Club Baloncesto Seis do Nadal - Coia e de 30 euros para os deportistas doutros clubs ou agrupacións.
As prazas para estas "Xornadas de Tecnificación" son limitadas e se farán efectivas por rigorosa orde de inscrición (sendo válida a data que figure no ingreso). Para formalizar a inscrición é preciso enviar o comprobante de pago (co nome completo do deportista e o club ao que pertence), antes do venres 19 de decembro do 2009, ao correo electrónico: baloncestoseisdonadalcoia@gmail.com ou ao número de fax: 986227275.
Podedes descargar o folleto do 3º Campus de Inverno 08 "Xornadas de Tecnificación" pulsando aquí.
