Este sábado reanudase o ciclo de charlas técnicas e de formación para adestradores e monitores organizadas polo Club Baloncesto Seis do Nadal - Coia nesta tempada 2008/09.
Durante os primeiros meses de cada tempada, desde a Dirección Deportiva, búscase a formación de tódolos integrantes do corpo técnico da entidade.
O próximo sábado 4 de outubro do 2008, Darío Méndez, adestrador Nacional do club Porriño Baloncesto Base, asistirá ás nosas pistas para instruír a tódolos asistentes nas bases e pilares do tema "Xogo libre, xogando por conceptos".
Esta nova charla terá lugar nas instalacións do CPI Celso Emilio Ferreiro a partir das 11:30 horas. Tódolos asistentes poderán recibir os coñecementos e as aprendizaxes teóricos de Dario Méndez así como comprobar como este adestrador leva á práctica os conceptos tratados.
Charla: "XOGO LIBRE, XOGANDO POR CONCEPTOS"
Día e Hora: SÁBADO 4 DE OUTUBRO, ás 11:30 h.
Lugar: COLEXIO CELSO EMILIO FERREIRO (COIA)
Conferenciante: DARÍO MÉNDEZ
Os contidos desta charla de formación estarán orientados fundamentalmente á realidade técnica e deportiva do Club Baloncesto Seis do Nadal - Coia, máis a entrada e asistencia é libre e poden participar nela tódalas persoas interesadas.